انسان ءَ ھما چیز رسیت کہ آئی ءِ واب اِنت، سگ ءُ اوپار ءُ محنت المی اِنت، بابر اعظم

لاہور۔4مئی  (اے پی پی): پشاور زلمی ءِ کپتان بابر اعظم ءَ پی ایس ایل ءِ فائنل ءَ را تیمت ءُ شیکنام ءِ ھاتر ءَ یاتگاریں ساھت ءِ جار جتگ۔ میچ ءِ ھوالگ ءَ میڈیا ءَ گوں گپ ءُ تران کنان ءَ بابر اعظم ءَ گشتگ کہ منی ھیال انت ھما چیز کہ مردم ءَ رس ایت آئی ءِ واب انت، سگ ءُ اوپار ءُ محنت ایوک ءَ المی انت ۔ آئی ءَ گوشت کہ زندگی یک رولر کوسٹر ءِ وڑ ءَ اِنت کہ اودا شریں ءُ ھرابیں وھد دوئیں کاینت ءُ یک کھڈکارے ھمے تجربگاں چہ دربرگ ءَ دیم ءَ روت۔ آئی ءَ وتی سوبمندی ءِ سوب وتی مات ءُ پت، ٹیم ءِ سنگت ءُ چاروک ءِ دعا لیک اتگ ءُ گشتگ کہ مشکلیں وھد ءَ نزیکیں مردمانی کمک سک باز المی انت۔ آئی ءَ گوشت کہ ٹیم ءَ ھر میچ ءِ واستہ جتا جتائیں حکمت عملی زرتگ ءُ جتا جتائیں جاور ھال آناں ھاسیں رنگ ءَ لاہور ءُ کراچی ءِ نیام ءَ پچ آنی تہ ءَ فرق ءَ را ھیال ءَ دارگ ءَ وت ءَ را ایڈجسٹ کتگ کہ ایشی ءِ تہ ءَ گرینڈ اسٹاف ءَ ھم ھاسیں کرد پیلو کتگ۔ بابر اعظم ءَ گشتگ کہ یک کھڈکارے ءَ را پنچیں فارمیٹ ءِ اوپن کنگ ءِ ھاتر ءَ تیار بوھگی انت۔ پرچا کہ ٹیسٹ کرکٹ سگ ءُ اوپار ءُ دراجیں اننگز ءِ پچ کنگ ءِ مہارت ءِ سکین ءَ دنت کہ اے ہم محدود اوورز ءِ کرکٹ ءَ کمکار ثابت بیت۔ آئی ءَ گوشت کہ ٹیم زوت بنگلہ دیش ءَ روگ ءَ اِنت کہ اودا ٹیسٹ سیریز گوازینگ بیت وھدے کہ جتگیں ٹرافی پشاور ءَ برگ بیت ءُ چاروک آنی گوما وش آتک کنگ بیت۔