نائب مزن وزیر ءَ ترکی ءِ جمہوریہ شمالی قبرص ءِ درئی کارانی وزیر ءَ گوں گند ءُ نند کت، جتا جتائیں شعبہ آں دو نیمگی کمک ءِ بابت ءَ   ھیال ریچی

اسلام آباد۔17اپریل  (اے پی پی):  انطالیہ ڈپلومیسی فورم ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ ترکی ءِ جمہوریہ قبرص ءِ دری کارانی وزیر تحسین ارطغرل اوغلو ءَ گوں گند ءُ نند کتگ ءُ جتا جتائیں پڑ آنی تہ ءَ دو نیمگی کمک ءِ سر ءَ گپ ءُ تران کتگ۔ جمعہ ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ دوئیں نیمگ ءَ جتا جتائیں پڑ آنی تہ ءَ دو نیمگی کمک ءَ را گیش مھکم کنگ ءِ واستہ وتی جزم ءِ پدا پدر کنگ بوتگ ھاسیں رنگ ءَ ترک جمہوریہ شمالی قبرص ءَ نندوکیں پاکستانی آنی وانگ ءُ زانگ ءُ وشھالی ءِ واستہ۔ ایشاں اے گپ ءِ سر ءَ ھم تپاک کت کہ نزیکیں سیادی ءِ برجائی ءُ وتی راج آنی یکجاھی نپ آنی دیمروئی ءِ واستہ یکجاہ کار کنگ ءَ برجاہ دار ایت۔