پاکستان، ترکی ءُ گتر  ءَ دمگ ءَ پائیداریں امن ءُ ایمنی ءِ واستہ گپ ءُ تران ءُ سفارتکاری ءِ دیمروئی ءِ واستہ نزیکیں کمک ءِ برجاہ دارگ ءِ سرا تپاک

انطالیہ۔17اپریل  (اے پی پی): پاکستان، ترکی ءُ گتر  ءَ پڑ ءَ پائیدار امن ءُ ایمنی ءِ واستہ گپ ءُ تران ءُ سفارتکاری ءِ دیمروئی ءِ واستہ نزیکیں کمک ءِ برجاہ دارگ ءِ واستہ تپاک کتگ۔ اے تپاکی مزن وزیر محمد شہباز شریف، ترکی ءِ صدر رجب طیب اردوان ءُ گتر  ءِ امیر شیخ تمیم بن حمد الثانی ءِ نیام ءَ سئے نیمگی گند ءُ نند ءِ ساھت ءَ بوتگ کہ جمعہ ءِ روچ ءَ انطالیہ ءَ برجم داشتگیں 5می انطالیہ سفارتکاری فورم ءِ ساھت ءَ برجم دارگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سئیں رہشون آنی نیام ءَ انوگیں دمگی دیمروئی ءُ برجاھیں امن ءِ کوشست آنی سر ءَ ھیال ریچی کنگ بوتگ۔ گند ءُ نند ءَ غزہ ءُ فلسطین ءِ پریشان کنوکیں جاورانی سرا ہم گپ ءُ تران بوتگ ۔ ایشاں دمگ ءِ تہ ءَ برجمیں امن ءُ ایمنی ءِ واستہ گپ ءُ تران ءُ سفارتکاری ءِ دیمروئی ءِ واستہ نزیکیں کمک ءِ برجاہ دارگ ءِ سر ءَ تپاک کتگ۔