مزن وزیر شہباز شریف ءَ پاکستان ءِ امن کوشست آنی واستہ ترکی ءِ برجاھیں کمک ءِ وش اتک کتگ، انطالیہ ڈپلومیسی فورم ءَ را برجاھیں سوبمندی ءِ سر ءَ مبارک بات

انطالیہ۔17اپریل  (اے پی پی): مزن وزیر محمد شہباز شریف ءَ پاکستان ءِ امن کوشست آنی واستہ ترکی ءِ برجاھیں کمک ءِ توسیپ کتگ ءُ گوشت کہ آئی ءَ گوں ترکی ءِ صدر رجب طیب اردوان ءَ دمگی جاور ھال ھاسیں رنگ ءَ میاں اوستمانی تک ءِ بدل بوھوکیں جاور ھال آنی سر ءَ سرجمیں رنگ ءَ گپ ءُ تران کتگ۔ جمعہ ءِ روچ ءَ مزن وزیر محمد شہباز شریف ءَ ’’ایکس‘‘ ءِ سر ءَ وتی کلوہ ءِ تہ ءَ گوشت کہ من ءَ انطالیہ ڈپلومیسی فورم ءِ ساھت ءَ وتی گرانیں برات صدر رجب طیب اردوان ءَ گوں گند ءُ نند کنگ ءِ شرف رستگ۔ مزن وزیر ءَ گوشت کہ آئی ءُ پاکستانی ڈل ءَ را جوانیں مہمان داری ءِ سر ءَ ترکی ءِ صدر ءِ شگر ءُ منت گپت ءُ انطالیہ ڈپلومیسی فورم ءِ برجاھیں سوبمندی ءِ سر ءَ مبارکی دات کہ اے گپ ءُ تران ءِ واستہ یک ھاسیں گلوبل پلیٹ فارم ءِ جوڑ بوتگ۔ مزن وزیر ءَ گوشت کہ مئے تہ ءَ دمگی جاور ھال ھاسیں رنگ ءَ میاں اوستمانی تک ءَ بدل بوھوکیں جاور ھال آنی سر ءَ سرجمیں رنگ ءَ گپ ءُ تران بوتگ۔ پاکستان ءِ امن کوشست آنی واستہ ترکی ءِ برجاھیں کمک ءِ ستا کنان ءَ آئی ءَ گوشت کہ گند ءُ نند ءَ ما وتی گہتریں، راجدپتری ءُ براتی سیادی آناں گیش مھکم کنگ ءِ واستہ وتی جزم ءِ پدا زور دات ءُ دمگ ءِ تہ ءَ امن ءُ وشھالی ءِ واستہ اسٹریٹجک شریکداری ءِ دیمروئی، اقتصادی کمک ءِ تہ ءَ گیشی ءُ دگنیا ءِ تہ ءَ یکجاھیں کار کنگ ءِ سر ءَ تپاک کت۔