پاکستان ءِ جہانی مالیاتی مارکیٹانی تہا زبردستیں واتر بوھگ ستا کرز انت ءُ اے ملک ءِ معیشت ءِ سرا جہانی اعتماد ءِ بحالی ءِ یک پدریں ثبوت انت، ڈاکٹر طارق فضل چوہدری

اسلام آباد۔17اپریل  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ جھان ءِ مالیاتی مارکیٹ آنی تہ ءَ پاکستان ءِ وشیں واتر بوھگ ستا کرز اِیت ءُ ملک ءِ معیشت ءِ سر ءَ جھان ءِ بھروسہ ءِ بحالی ءِ یک پدریں ثبوت اِنت۔ ایکس ءِ سر ءَ وتی پوسٹ ءِ تہ ءَ آئی ءَ گوشت کہ چار سال ءَ پد پاکستان ءِ نیمگ ءَ 500ملین ڈالر ءِ یورو بانڈ ءِ جاری کنگ مزنیں سوبمندی یے، ایشی ءِ رد ءَ جھان ءِ سرمایہ کار پاکستان ءِ معیشت ءِ سر ءَ پدا دل یکیمی ءِ درشان کنگ ءَ اَنت۔ آئی ءَ گوشت کہ مشکلیں جھان ءِ اقتصادی جاور ھال آنی باوجود اے بانڈ ءِ سوبمندیں جاری کنگ یک جوانیں دیمروئی یے، ایشی ءَ چہ ملک ءِ مالی ساکھ ءَ را گیش مھکم کتگ۔ ڈاکٹر طارق فضل چوہدری ءَ حکومت ءِ اقتصادی ٹیمب ءِ کوشست آناں ساڑات ءُ گوشت کہ زانتکاریں پالیشی، وھد ءُ پاس ءِ پیسلہ ءُ برجاھیں محنت ءِ سبب ءَ پاکستان ءَ جھان ءِ مارکیٹ آنی تہ ءَ پدا وتی جاہ گپتگ۔ آئی ءَ گوشت کہ اے سوبمندی نہ ایوک ءَ استیں اقتصادی برجائی ءِ نشانی انت بلکینگ ءَ آیوکیں وھد ءَ گیش گہتری ءِ امیت ءَ ھم دنت۔ آئی ءَ گیش گوشت کہ حکومت معیشت ءَ را مھکم کنگ، سرمایہ کاری ءَ را گیش کنگ ءُ پائیدار دیمروئی ءِ واستہ جزم اِنت ءُ اے وڑیں گامگیج ملک ءَ را گیش اقتصادی رد ءَ مھکم جوڑ کنگ ءَ کمک رسیت۔