وزیر خزانہ سینیٹر محمد اورنگزیب ءَ ڈاکٹر کلپنا کوچھر ءَ گوں گند ءُ نند کتگ، پولیو ءِ ھلاسی ءُ ڈیجیٹل اصلاحات ءِ بابت ءَ گپ ءُ تران

واشنگٹن ڈی سی۔17اپریل  (اے پی پی): واشنگٹن ڈی سی ءَ ورلڈ بینک ءُ آئی ایم ایف ءِ بہار ءِ دیوان ءِ ساھت ءَ گیٹس فاؤنڈیشن ءِ گلوبل پالیسی ءُ ایڈووکیسی ءِ صدر ڈاکٹر کلپنا کوچھر ءِ گوما وفاقی وزیر ءِ مالیات ءُ آمدنی سینیٹر محمد اورنگزیب ءَ کلیدی گند ءُ نند کت۔ یک پریس ریلیز ءِ رد ءَ گند ءُ نند ءِ بندات ءَ وزیر ءِ ھزانگ ءَ ڈیووس ءَ ورلڈ اکنامک فورم ءِ ساھت ءَ بل گیٹس ءِ گوما وتی پیسریگیں گند ءُ نند ءِ حوالہ دات ءُ پاکستان ءُ گیٹس فاؤنڈیشن ءِ نیام ءَ مھکمیں شریکداری ءِ پدا زور پر دات۔ وزیر خزانہ ءَ اے گپ ءِ دوبر پدر کت کہ پولیو ءِ ھلاسی راجی اولویت اِنت ءُ ایشی ءِ واستہ برجاھیں نظامی کمک المی اِنت۔ آئی ءَ ڈاکٹر کوچھر ءَ را فیڈرل بورڈ آف ریونیو ءِ تہ ءَ جاری اصلاحات ءِ بابت ءَ سرپدی دات، ایشی ءِ تہ ءَ ریونیو ءِ رساو ءَ را کم کنگ ءُ ٹیکس ءِ رد ءَ عمل کنگ ءَ را گہتر کنگ ءِ سر ءَ ھاسیں دلگوشی دیگ بوتگ۔ آئی ءَ اے گپ ءِ سر ءَ زور پر دات کہ مزن وزیر وت ڈیجیٹل ٹرانسفارمیشن پروگرام ءِ نگرانی ءَ کنگ ءَ اِنت ءُ ھپتگی جائزہ ءِ دیوان آنی سروکی ءَ کنت۔ وزیر خزانہ ءَ پروگرام ءِ سئے کلیدی ستون آنی ھم ذکر کت – ڈیجیٹلائزیشن ءُ مالیاتی شمولیت (گورنر اسٹیٹ بینک ءِ سروکی ءَ)، سرکاری ادائیگی (سیکرٹری فنانس ءِ سروکی ءَ) ءُ ڈیجیٹل انفراسٹرکچر (سیکرٹری آئی ٹی ءِ سروکی ءَ)۔ ایف بی آر ءِ تہا اصلاحات ءِ ذکر کنان ءَ وزیر خزانہ ءَ ڈیجیٹل کمپلائنس رسک مینجمنٹ (سی آر ایم) سسٹم ءِ نفاذ، جتا جتائیں شوبگ آنی تہ ءَ مصنوعی ذہانت ءِ وسیلگ ءَ پیداوار ءِ نگرانی، ایس ایم ایس ءِ وسیلگ ءَ رویہ ءِ ترغیب ءُ ایف بی آر ءِ ورنا افسر آنی واستہ ھاسیں تربیتی پروگرام آنی حوالہ دات۔ آئی ءَ اے گپ ءِ سر ءَ زور پر دات کہ حکومت ءِ سرجمیں مول ءُ مراد ایڈہاک گامگیج آنی بدل ءَ اصلاحات آناں ادارگ جوڑ کنگ اِنت۔ پولیو ویکسین ءِ مالی کمک ءِ ھوالگ ءَ وزیر ھزانگ ءَ اے گپ ءِ نیمگ ءَ دلگوش گور کت کہ انوگیں فنڈنگ ​​ایوک ءَ جون جولائی ءِ واستہ کافی اِنت ایشی ءَ چہ ممکنہ رکاوٹ آنی جیڈھ پیداک بوت کنت۔ آئی ءَ دل یکیمی دات کہ پاکستان اسلامی دیمروئی بینک ءِ گوما وتی مھکمیں دو نیمگی سیادی ءَ را گیشیں کمک ءِ گرگ ءَ را ترند کنگ ءِ واستہ سیت چست کنت۔ دوئیں نیمگاں اے گپ ءِ سر ءَ تپاک کت کہ شریکداری ءِ یک کلیدی ستون ءِ رنگ ءَ برجاھیں وانگ ءُ زانگ ءِ تبادلہ برجاہ بیت۔