صدر آصف علی زرداری ءَ گوں بلوچستان ءَ پارلیمنٹ ءِ باسکاں گند ءُ نند

اسلام آباد۔17اپریل  (اے پی پی): بلوچستان ءِ نیمگ ءَ چہ پارلیمنٹ ءِ باسکاں صدر آصف علی زرداری ءَ گوں گند ءُ نند کتگ۔ گند ءُ نند ءَ ملک ھاسیں رنگ ءَ بلوچستان ءِ سرجمیں سیاسی جاور ءُ برجاھیں دیمروئی منصوبگ آنی سر ءَ گپ ءُ تران کنگ بوت۔ جمعہ ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءَ سرجمیں ملک ءَ چہ کار کنوکیں درملکی کمک ءِ ناشرکاریں عناصر آنی نا شریں منصوبگ آناں ناکام کنگ ءِ وتی جزم ءِ یک رندے پدا گوشت کہ بلوچستان ءَ امن ءُ دیمروئی ءِ واستہ ریاستی کوشست سرجمیں زور ءَ گوں برجاہ اِنت۔ دیوان ءَ پارلیمنٹ ءِ باسک سردار محمد عمر گورگیج، میر عبدالقدوس بزنجو، بلال مندوخیل، حسنیٰ بانو، نوابزادہ جمال رئیسانی اور ملک شاہ گورگیج ،فیصل جمالی، بخت کاکڑ، علی مدد جتک، نواب ثناءاللّہ زہری، علی حسن زہری اور لیاقت لہڑی سمیت صادق عُمرانی، اسفندیار کاکڑ، سماد گورگیج، عبید گورگیج، غزالہ گولا اور سنجے کمار  میر اصغر رند، مینا مجید، نعمت زہری، شہناز عُمرانی، صاحبزادہ حمزہ زہری، بابا غلام رسول عُمرانی اور ربانی کاکڑ    ھوار اتنت۔