وفاقی وزیر تجارت جام کمال خان ءَ یورپی یونین ءِ سفیر ریمنڈ کاروالہو ءَ گوں گند ءُ نند

اسلام آباد۔17اپریل (اے پی پی): وفاقی وزیر برائے تجارت جام کمال خان ءَ یورپی یونین ءِ سفیر ریمنڈ کاروالہو ءِ گوما گند ءُ نند ءَ دو نیمگی تجارت ءُ سرمایہ کاری ءِ دیمروئی ءِ وتی عزم ءِ پدر کنگ ءَ جار جتگ کہ پاکستان یورپی یونین ءِ کاروباری فورم اے ماہ ءِ گڈ ءَ اسلام آباد ءَ برجم دارگ بیت۔ برآمدات ءَ گیش کنگ ءَ انت۔ جمعہ ءِ روچ ءَ جاڑی بوتگیں پریس ریلیز ءِ رد ءَ وفاقی وزیر برائے تجارت جام کمال خان ءَ اے گپ پاکستان ءَ یورپی یونین ءِ سفیر ریمنڈ کاروالہو ءَ گوں گند ءُ نند ءَ گوشت۔ گند ءُ نند ءِ تہ ءَ دو نیمگی تجارتی، سرمایہ کاری ءُ اقتصادی کمک ءِ دیمروئی ءِ سر ءَ سرجمی ءَ گپ ءُ تران کنگ بوت۔ گند ءُ نند ءِ ساھت ءَ وزیر کامرس ءَ گوشت کہ پاکستان یورپی یونین ءِ کاروباری فورم 28 ءُ 29 اپریل 2026 ءَ اسلام آباد ءِ یک لوکل ہوٹل ءَ برجم دارگ بیت ایشی ءِ تہ ءَ 300 ءَ چہ گیش یورپی کمپنی آنی بھر زوری ءِ گمان اِنت۔ آئی ءَ گوشت کہ اے دیوان ءِ ساھت ءَ پاکستانی ءُ یورپ ءِ کمپنی آنی نیام ءَ سداں بزنس ٹو بزنس گند ءُ نند کنگ بیت ایش وت مہ وتی بیپاری سیادی ءَ را گیش مھکم کنگ ءَ ھاسیں کرد پیلو کنت۔ جام کمال خان ءَ اے امیت سہرا کت کہ بزنس فورم ءَ چہ پاکستان ءَ تجارت ءُ سرمایہ کاری ءِ واستہ نوکیں موہ پیداک بنت ءُ جھان ءِ تک ءَ ملک ءِ جوانیں ءُ کاروبار دوستیں امیج ءَ را پدر کنت۔ آئی ءَ گوشت کہ حکومت اے ھاسیں مراگش ءِ کامیابی ءِ واستہ ھمک رنگ ءِ آسراتی پجاری کنت ءُ آیوکیں وھد ءَ ایشی ءَ را یک مستقل پلیٹ فارم جوڑ کنگ ءِ سر ءَ ھم ھیال ءُ لیکہ کنگ بوھگ ءَ انت۔ یورپی سفیر ءَ پاکستان ءِ برآمداتی کارکردگی ءِ تہ ءَ جنرلائزڈ اسکیم آف پریفرینسز پلس ءِ ھاسیں کرد ءَ را ساڑات ءُ ایشی ءَ را پاکستانی برآمدات ءِ واستہ یک ھاسیں ستون ءِ رنگ ءَ لیک اِت۔ وزیر تجارت ءَ اے موہ ءِ سر ءَ یک رندے پدا گوشت کہ پاکستان جی ایس پی پلس سکیم ءِ چیر دستی ءَ توامیں لوٹ آنی پیلو کنگ ءِ واستہ جزمیگ انت۔ فریق آناں اے گپ ءِ سر ءَ تپاک کت کہ ٹیرف اصلاحات ءُ درآمد ءِ پالیشی ءِ تہ ءَ گہتری ءِ وسیلگ ءَ برآمدات ءَ را گیش کنگ بوت کنت وھدیکہ سرمایہ کار آنی اعتماد ءِ واستہ شفاف ءُ مھکمیں پالیسی آنی پجارینگ المی اِنت۔ گند ءُ نند ءَ پاکستان، یورپی یونین ءُ خلیج ءِ ملک آنی نیام ءَ سئے نیمگی سرمایہ کاری ءِ موہ آنی سر ءَ ھم چار ءُ تپاسی کنگ بوت، وھدیکہ نجی شوبگ ءِ سیادی ءَ را دیمروئی دیگ ءُ ادارگی کمک ءَ را گیش کنگ ءِ سر ءَ ھم تپاک کنگ بوت۔