وفاقی داخلہ ءِ وزیر محسن نقوی ءَ وتی ایرانی ہمکار سکندر مومنی ءَ گوں تہران ءَ گند ءُ نند کتگ ءُ دمگ ءِ نوکیں جاور ھال آنی سر ءَ گپ ءُ تران

تہران ۔17اپریل (اے پی پی): وفاقی داخلہ ءِ وزیر محسن نقوی ءَ گوں وتی ایرانی ہم منصب سکندر مومن ءَ تہران ءَ گند ءُ نند کتگ کہ ایشی ءِ تہا آہاں دمگ ءِ نوکیں جاورحالانی بابت ءَ تفصیل ءَ گپ ءُ تران کتگ۔ گند ءُ نند ءِ ساھت ءَ ایران ءِ تہی کارانی وزیر سکندر مومنی ءَ جنگ بندی ءِ برجائی ءُ مصالحتی کرد ءِ پیلو کنگ ءِ واستہ پاکستان ءِ کوشست آناں ساڑاتگ ءُ گوشت کہ جنگ بندی براتیں ملک پاکستان ءِ میانجی داری ءَ چہ ممکن بوتگ کہ ایشی ءَ را ایران ارزشت دنت۔ آئی ءَ گوشت کہ ایران ءَ را پاکستان ءِ مخلص ءُ جوانیں کرد ءَ مدام یات بیت۔ اے موہ ءِ سر ءَ وفاقی تہی کارانی وزیر محسن نقوی ءَ گوشت کہ پاکستان پڑ ءَ برجمیں امن ءُ ایمنی ءِ واھشت مند اِنت ءُ میاں اوستمانی جیڈھ ءِ برجائی ءِ واستہ دلجمیں کوشست بیگ ءَ اِنت۔ آئی ءَ اے گپ ءِ سر ءَ زور پر دات کہ جنگ ھچ وڑیں جیڑھ ءِ گیواری نہ اِنت بلکیں گپ ءُ تران ءُ گپ ءُ تران جیڑہانی گیش ءُ گیوار ءِ تہنا موثریں وسیلہ اِنت۔ دوئیں رہشون آں وت مہ وتی مفاد، دمگی امن ءُ ایمنی ءُ دو نیمگی کمک ءِ جیڈھ آناں گیش دیمروئی دیگ ءِ سر ءَ ھم تپاک کتگ۔