انطالیہ ۔17اپریل (اے پی پی): ترکی ءِ درئی کارانی وزیر ھاکان فدان ءَ مزن وزیر محمد شہباز شریف ءَ گوں گند ءُ نند کت ءُ انطالیہ ڈپلومیسی فورم ءَ بہر زورگ ءِ واستہ آیگ ءِ سر ءَ آئی ءِ منت گپت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ نائب مزن وزیر ءُ دری کارانی وزیر سینیٹر …
ترکی ءِ درئی کارانی وزیر ءَ مزن وزیر شہباز شریف ءَ گوں گند ءُ نند کت، آئی ءِ منت گپت کہ آ انتالیہ سفارتکاری فورم ءَ بہر زورگ ءِ واستہ آیگ ءَ انت
گیشتریں ھال
انطالیہ ۔17اپریل (اے پی پی): ترکی ءِ درئی کارانی وزیر ھاکان فدان ءَ مزن وزیر محمد شہباز شریف ءَ گوں گند ءُ نند کت ءُ انطالیہ ڈپلومیسی فورم ءَ بہر زورگ ءِ واستہ آیگ ءِ سر ءَ آئی ءِ منت گپت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ نائب مزن وزیر ءُ دری کارانی وزیر سینیٹر محمد اسحاق ڈار ءُ ھاسیں کمکار سید طارق فاطمی ھم ھوار بوتگ اَنت۔ درئی کارانی وزیر ھاکان فدان ءَ مزن وزیر شہباز شریف ءَ را انتالیہ ءِ سفارتکاری فورم ءَ بھر زوری ءِ پد ءَ وش آتک کت۔ آئی ءَ گوشت کہ صدر رجب طیب اردوان انطالیہ ڈپلومیسی فورم ءِ موہ ءَ مزن وزیر ءَ گوں گند ءُ نند ءِ ودار ءَ انت۔ مزن وزیر محمد شہباز شریف ءَ گرمیں وش اتک ءُ روایتی مہمان داری ءِ پد ءَ ترکی ءِ درئی کارانی وزیر ھاکان فدان ءِ منت گپت۔ آئی ءَ گوشت کہ منی واستہ وشی ءِ موہ انت کہ آ وتی دومی گس ترکی ءِ تر ءُ تاب ءَ انت۔ انطالیہ سفارتکاری فورم ءَ بہر زورگ ءُ انطالیہ سفارتکاری فورم ءِ ساھت ءَ صدر رجب طیب اردوان ءَ گوں گند ءُ نند کنگ آئی ءِ واستہ وشیں گپے ۔
