وفاقی وزیر خزانہ ءَ آئی ایف اے ڈی ءِ صدر ءَ گوں گند ءُ نند کت، کشت ءُ کشاری گہتری کار ءُ کمک ءِ بابت ءَ گپ ءُ تران

واشنگٹن ڈی سی۔16اپریل (اے پی پی): وفاقی وزیر خزانہ سینیٹر محمد اورنگزیب ءَ ورلڈ بینک ءُ آئی ایم ایف ءِ بہار ءِ دیوان 2026ءِ ساھت ءَ انٹرنیشنل فنڈ فار ایگریکلچرل ڈویلپمنٹ ءِ صدر الوارو لاریف ءَ گوں گند ءُ نند کتگ۔ ادارہ ءِ پورٹ فولیو ءِ سرا نبشتہ کتگ۔ سینیٹر اورنگزیب ءَ گوشت کہ پاکستان ءِ واستہ کشت ءُ کشاری راجی ترجیح انت، بلے ملک ءَ انگت ءَ پیداوار، کارآمد ءُ ویلیو چین ءِ دیمروئی ءِ رد ءَ وتی سرجمیں گنجائش آنی تہ ءَ نتیجہ رسگ ءَ نہ انت۔ آئی ءَ مزن وزیر ءِ کشت ءُ کشاری گہتری کار ءِ سر ءَ دلگوشی ءِ ذکر کت ءُ گوشت کہ اے درگت ءَ نوکیں سروکی آرگ بوھگ ءَ انت، ورنا گریجویٹ آناں نوکیں کشت ءُ کشاری تربیت ءِ واستہ درملک ءَ روان دیگ بوھگ ءَ انت، وھدیکہ کلیدی کشت ءُ کشاری شوبگ آنی تہ ءَ ڈی ریگولیشن کنگ بوھگ ءَ انت۔ وزیر ھزانگ ءَ گوشت کہ شکر ءِ شوبگ ءَ سرجمی ءَ ڈیریگولیشن ءِ منظوری داتگ۔ وھدے کہ گندم ءِ شوبگ ءَ ھم گہتری کار کنگ بوھگ ءَ اَنت ءُ وفاقی حکومت کم کم ءَ چہ زرّ ءِ گرگ ءِ عمل ءَ پد ءَ دیم ءَ روگ ءَ اِنت، آئی ءَ کسانیں کشت ءُ کشاری ءِ واستہ مالی آسراتی آناں گیش کنگ ءُ زرعی ویلیو چین ءِ تہ ءَ ھاسیں رنگ ءَ کٹائی ءَ پد ءِ تاوان ءِ گیش کنگ ءِ سر ءَ زور پر دات۔ وزیر خزانہ ءَ جھان ءِ جاور ھال آنی سبب ءَ کود ءِ رسگ ءِ دیم ءَ اتکگیں ھترہ آناں ھم پجار کت ءُ کشت ءُ کشاری پیداوار ءِ سر ءَ ایشی ءِ بوت کنوکیں اثر آناں ھم پدر کت۔ سینیٹر اورنگزیب ءَ آئی ایف اے ڈی ءِ بدل بوھوکیں کاروباری ماڈل ءِ توسیپ کت کہ آ روایتی سرکاری وام ءَ چہ دیم ءَ روگ ءَ اِنت ءُ نجی شعبہ ءِ گوما شریکداری ءَ را دیمروئی دیگ ءَ اِنت۔ فریقین ءَ اے گپ ءِ سر ءَ تپاک کت کہ شریکداری ءَ را گیش ڈھانچہ ءُ گیشی ءِ ضلورت اِنت، ایشی ءِ تہ ءَ ایشیائی دیمروئی بینک ءُ ورلڈ بینک ءِ وڑیں ادارگ ھم ھوار بوت کن اَنت، تانکہ منصوبگ آنی اثر ءَ را گیش کنگ بہ بیت۔ وزیر خزانہ ءَ گیش ءَ چہ گیش سوج دات کہ آئی ایف اے ڈی ءُ مزن وزیر ءِ زراعت ٹاسک فورس ءِ نیام ءَ زمینی تک ءِ رابطہ ءَ را گیش کنگ بہ بیت تانکہ جاری پروگرام آناں راجی اولیت آنی گوما یکجا کنگ بہ بیت۔