صدر آصف علی زرداری ءَ سردار یار محمد رند ءَ گوں گند ءُ نند کتگ ، بلوچستان ءَ گوں سیادی داروکیں بنگپانی سرا گپ ءُ تران

اسلام آباد۔16اپریل  (اے پی پی): صدر آصف علی زرداری ءَ سردار یار محمد رند ءَ گوں آئی ءِ گس اسلام آباد ءَ گند ءُ نند کتگ ءُ بلوچستان ءَ گوں سیادی داروکیں بنگپانی سرا گپ ءُ تران کتگ۔ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ بلوچستان ءِ دیمروئی ءُ السی گہبودی ءِ واستہ یکجائی کوشست کنگ ءِ ضلورت ءِ سر ءَ زور پر دات۔ صدر ءِ مملکت ءَ گوشت کہ پاکستان پیپلز پارٹی ءَ مدام بلوچستان ءِ دیمروئی ءُ راجی وشھالی ءِ واستہ وسیلگ آنی پجارینگ ءِ کمک کتگ، ءُ بلوچستان ءِ ھک ءِ پیکج ءِ بندات ھمے جزم ءِ پدریں درشان اِنت۔