انتالیہ۔16اپریل (اے پی پی): مزن وزیر محمد شہباز شریف ترکی ءِ تر ءُ تاب ءَ انتالیہ ءَ شتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ انتالیہ ءِ گورنر ہلوسی ساہین ءَ بالی پٹ ءَ مزن وزیر ءُ پاکستانی ڈل ءَ را گہتری ءَ گوں وش آتک کتگ۔ اے موہ ءِ سر ءَ ترکی ءَ پاکستان ءِ …
مزن وزیر محمد شہباز شریف ترکی ءِ تر ءُ تاب ءَ انتالیہ ءَ سر بوتگ
گیشتریں ھال
انتالیہ۔16اپریل (اے پی پی): مزن وزیر محمد شہباز شریف ترکی ءِ تر ءُ تاب ءَ انتالیہ ءَ شتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ انتالیہ ءِ گورنر ہلوسی ساہین ءَ بالی پٹ ءَ مزن وزیر ءُ پاکستانی ڈل ءَ را گہتری ءَ گوں وش آتک کتگ۔ اے موہ ءِ سر ءَ ترکی ءَ پاکستان ءِ سفیر یوسف جنید ءُ مزنیں سفارتی کارندہ ھم ساڑی بوتگ اَنت۔ مزن وزیر جمعہ ءِ روچ ءَ (باندا) 5می انتالیہ سفارتکاری فورم ءَ بہر زوریت۔ مزن وزیر فورم ءِ تہا پاکستان ءِ لیکہ ءِ پیش کنگ ءِ واستہ ’’رہشونانی پینل‘‘ ءِ تہا بہر زوریت۔ آئی ءِ اے موہ ءِ سر ءَ ترکی ءِ صدر رجب طیب اردوان ءُ دگہ ھاسیں دگنیا ءِ سروک آنی گوما دو نیمگی گند ءُ نند ءِ ھم گمان اِنت۔ پاکستانی ڈل ءِ تہ ءَ مزن وزیر ءِ ھمراھی ءَ نائب مزن وزیر ءُ درئی کارانی وزیر سینیٹر محمد اسحاق ڈار، ھال ءُ اھوال ءُ شنگکاری ءِ وزیر عطا اللہ تارڑ، ھاسیں کمکار طارق فاطمی ءُ مزن وزیر ءِ میاں اوستمانی میڈیا ءِ جارکش مشرف زیدی ھمبراھی ءَ انت۔
