وفاقی وزیر خزانہ ءَ اقوام متحدہ ءِ سیکرٹری جنرل ءَ گوں گند ءُ نند کتگ، میاں اوستمانی جاور ھال ءِ جھان ءِ معیشت ءِ سر ءَ اثر آنی سر ءَ گپ ءُ تران

واشنگٹن ڈی سی ۔16اپریل  (اے پی پی): واشنگٹن ڈی سی ءَ بارورز پلیٹ فارم ءِ بندات ءِ موہ ءَ اقوام متحدہ ءِ سیکرٹری جنرل انتونیو گوترز ءَ گوں وفاقی وزیر ءِ مالیات ءُ آمدنی ءِ سینیٹر محمد اورنگزیب ءَ گند ءُ نند کت۔ وزیر خزانہ ءَ مراگش ءِ تہا سیکرٹری جنرل ءِ بہر زورگ ءِ ساڑات ءُ اے ھاسیں پلیٹ فارم ءِ جوڑ کنگ ءِ تہا آئی ءِ کمک ءِ سرا آئی ءِ منت گپت۔ گند ءُ نند ءِ ساھت ءَ دوئیں بامرد آں میاں اوستمانی تک ءِ استیں جاور ھال جھان ءِ معیشت ءِ سر ءَ اثر آنی سر ءَ ھیال ریچی کت ءُ ھاسیں رنگ ءَ دیمروئی کنوکیں ملک آنی تہ ءَ وردن ءُ وراک ءُ توان ءِ سلامتی ءِ سر ءَ ایشی ءِ اثر آنی سر ءَ چار ءُ تپاسی کت۔ اقوام متحدہ ءِ سیکرٹری جنرل ءَ دمگ ءُ جھان ءِ تہ ءَ امن ءُ ایمنی ءِ واستہ پاکستان ءِ کرد ساڑاتگ ءُ اے درگت ءَ پاکستان ءِ کوشست آنی سر ءَ دل یکیمی ءِ درشانی کتگ۔