مزن وزیر محمد شہباز شریف سعودی عرب ءِ تر ءُ تاب ءَ روادگ

اسلام آباد۔15اپریل  (اے پی پی): مزن وزیر محمد شہباز شریف سعودی عرب ءَ روگ ءَ انت آئی ءِ ھمراھی ءَ نائب مزن وزیر ءُ درئی کارانی وزیر سینیٹر محمد اسحاق ڈار، وفاقی وزیر ءِ ھال ءُ اھوال عطا اللہ تارڑ ءُ ھاسیں کمکار سید طارق فاطمی ھم ھوار انت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف 15 ءَ چہ 18 اپریل 2026 ءَ سعودی عرب، قطر ءُ ترکی ءِ سرکاری تر ءُ تاب ءَ کنت۔ ءُ ہمے رنگ ءَ دمگی امن ءُ ایمنی ءِ بابت ءَ گپ ءُ تران کنگ بیت۔ مزن وزیر محمد شہباز شریف ھم 5می انتالیہ سفارتکاری فورم ءَ بھر زوری ءِ واستہ ترکی ءِ تر ءُ تاب ءَ کنت۔ فورم ءِ ساھت ءَ مزن وزیر ’’لیڈرز پینل ‘‘ ءَ ھم بھر زوری کنت تانکہ دگنیا ءِ ایندگر رہشون آنی گوما فورم ءِ تہ ءَ پاکستان ءِ لیکہ پیش کنگ بہ بیت۔ اے موہ ءِ سر ءَ مزن وزیر محمد شہباز شریف ءِ صدر رجب طیب اردوان ءُ دگہ ھاسیں دگنیا ءِ سروکاں گوں گند ءُ نند ءِ ھم گمان اِنت۔