پاکستان سپر لیگ (پی ایس ایل 11) ءَ بھر زوروکیں درستیں ٹیم آنی شرپ ءَ ھاسیں مراگش برجم

لاہور۔15اپریل  (اے پی پی): پاکستان کرکٹ بورڈ ءِ نیمگ ءَ لاہور ءَ چہ جاڑی بوتگیں پریس ریلیز ءِ رد ءَ پی سی بی ءِ چیئرمین محسن نقوی ءِ نیمگ ءَ کراچی ءَ یک ھاسیں مراگشے برجم دارگ بوتگ کہ ایشی ءِ تہ ءَ پاکستان سپر لیگ (پی ایس ایل ءُ لوکل 11) ءَ بھر زوروکیں درستیں ٹیم آنی شرپ ءَ فرنچائز ءِ واھند ءُ مینجمنٹ ءَ ھم بھر زرتگ۔ مراگش ءِ ساھت ءَ پی سی بی ءِ چیئرمین ءَ سرجمیں انتظامیہ ءَ را وش آتک کتگ ءُ کھڈکار ءُ فرنچائز ءِ واھنداں گوں ھم غیر رسمی گپ ءُ تران کتگ۔ اے موہ ءِ سر ءَ درستیں سٹیک ہولڈر آنی نیمگ ءَ پی ایس ایل ءَ را سوبمند کنگ ءِ واستہ وتی جزم ءِ پدا پدر کنگ بوت۔ محسن نقوی ءَ مہمان آنی شگر ءُ منت گپت ءُ توامیں ٹیم آنی واستہ نیکیں واھگ آنی درشان کت۔ آئی ءَ گوشت کہ پی ایس ایل 11 ءِ اسلیں ہیرو کھڈکار اَنت، آئی ءَ توامیں درملکی کھڈکار آنی ھم شگر ءُ منت گپت ءُ گوشت کہ اے مئے ھاسیں مہمان اَنت۔ سندھ ءِ وزیر ءُ افسر ءُ اے دگہ مردماں ہم مراگش ءَ بہر زرتگ۔ مراگش ءَ نامداریں پیسریگیں کرکٹرز وسیم اکرم، انضمام الحق، مصباح الحق  ءُ  سرفراز احمد  ءَ ھم بھر زرتگ ات۔ راجی ءُ درملکی لیبی اے مزنیں مراگش ءِ برجائی ءِ سر ءَ پی سی بی ءِ چیئرمین ءِ منت گپت ءُ مراگش ءِ سوبمندیں برجم دارگ ءِ واستہ نیکیں واھگ آنی درشان کت۔