وفاقی وزیر خزانہ محمد اورنگزیب ءَ سی این بی سی ءَ گوں تران کنان ءَ ءُ گند ءُ نند آنی تہ ءَ گوشت کہ پاکستان میاں اوستمانی امن گپ ءُ تران ءَ وتی کرد ءَ پیلو کنگ ءَ اِنت

اسلام آباد۔15اپریل  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گشتگ کہ سفارتکاری یک واقعہ ءِ بدل ءَ یک عملے انت۔ پاکستان میاں اوستمانی امن گپ ءُ تران ءَ جوانیں رنگ ءَ وتی کرد ءَ پیلو کنگ ءَ انت ۔ آئی ایم ایف پروگرام ءِ بنیاتی فریم ورک ءِ سر ءَ عمل کنگ ءِ ھاترا جزم اِنت۔ موجودہ بیرونی جھٹکا ءِ تناظر ءَ اے پروگرام برجائی ءُ مارکیٹ ءِ دل یکیمی ءِ شرپ مندیں وسیلہ انت۔ آئی ءَ اے گپ آئی ایم ایف ءُ ورلڈ بینک ءِ سالی دیوان آنی موہ ءَ واشنگٹن ڈی سی ءَ مزن تک ءِ دیوان ءُ مراگش آنی تہ ءَ گشتانک دیان ءَ کت۔ سینیٹر محمد اورنگزیب ءَ گوں میاں اوستمانی مالیاتی فنڈ ءِ اولی ڈپٹی منیجنگ ڈائریکٹر ڈین کٹز ءَ گند ءُ نند کتگ۔ وزیر خزانہ ءَ آئی ایم ایف مشن ٹیم ءِ منت گپت کہ آ توسیعی فنڈ آسراتی ءِ چیر دستی ءَ سیمی جائزہ ءُ لچک ءُ پائیداری آسراتی ءِ چیر دستی ءَ دومی جائزہ ءِ کارآمد ءُ آسانی ءَ گوں برجم دارگ ءَ انت۔ آئی ءَ ھال دات کہ کارندہ آنی تک ءِ معاہدہ سوبمندیں رنگ ءَ سرجم کنگ بوتگ ءُ نوں آئی ایم ایف ءِ ایگزیکٹو بورڈ ءِ منظوری ءِ ودار ءَ انت۔ وزیر خزانہ ءَ اولی ڈپٹی منیجنگ ڈائریکٹر ءَ را پاکستان ءِ معیشت ءِ سر ءَ برجاھیں جیڈھ ءِ ترندیں اثر آنی بابت ءَ سرپد کت ءُ ھاسیں رنگ ءَ توان ءِ گرگ ءُ رسد ءِ رد ءَ دیم ءَ اتکگیں چیلنج آنی سر ءَ چمشانک دات۔ آئی ءَ حکومت ءِ پالیسی ءِ پسو ءِ ھم دیم ءَ آؤرتگ کہ ایشی ءِ تہ ءَ طلب ءِ بندوبست ءِ گامگیج ءُ مالیاتی رد ءَ غیر جانبداریں ھدف مندیں سبسڈی ھوار اَنت تانکہ چاگرد ءِ معاشی رد ءَ چہ گیش نزوریں بھر آنی رکھینگ ءَ را دل یکیمی کنگ بہ بیت۔ آئی ءَ آئی ایم ایف ءِ سروکی ءَ را بحران ءِ سیکنڈری ءُ ترتیری اثرات ءِ جاری جائزہ ءِ بابت ءَ گیش سرپدی دات، ایشی ءِ تہ ءَ افراط زر، اقتصادی دیمروئی، برآمدات ءُ حوالہ جات ءِ سر ءَ ممکنہ اثرات ھوار انت۔ وزیر خزانہ ءَ آئی ایم ایف مشن ءِ آیوکیں ماہ ءَ ٹیکس ءِ جیڈھ آنی ھوار بجٹ ءِ ھوالگ ءَ گپ ءُ تران ءِ ھوالگ ءَ شور ءُ سلاھ ءِ واستہ متوقع تر ءُ تاب ءَ را وش اتک کت۔ آئی ءَ پروگرام ءِ بنیاتی فریم ورک ءِ سر ءَ پاکستان ءِ بے مٹیں عزم ءِ سر ءَ زور پر دات ءُ اے گپ ءِ سر ءَ زور پر دات کہ اے استیں درائیں جھٹکا آنی رد ءَ برجائی ءُ مارکیٹ ءِ بھروسہ ءِ شرپ مندیں وسیلگ اِنت۔ وزیر خزانہ ءَ میاں اوستمانی مالیاتی فنڈ ءِ نیمگ ءَ برجم داشتگیں ”جنگ ءِ وھد ءَ رجونورتی ءِ معیشت: جھٹکا آنی انتظام ءُ آیوکیں وھد ءِ جوڑ کنگ“ ءِ سرھال ءَ پینل ڈسکشن ءَ بھر زرتگ۔ وزیر خزانہ ءَ میاں اوستمانی تک ءَ برجاھیں جیڈھ ءَ را گوستگیں راجدپتر ءِ تہ ءَ مزنیں سپلائی جھٹکا آنی تہ ءَ یکے لیک اِتگ، ایشی ءِ پیمانہ ءِ رد ءَ کوویڈ 19 ءِ وھد ءَ تجربہ بوتگیں لوٹ ءِ جھٹکا ءِ مقابلہ ءَ اِنت۔ آئی ءَ گوشت کہ اے بحران ءَ چہ توانائی ءِ سلامتی ءُ سپلائی چین ءِ تابکاری ءِ بابت ءَ گیشیں جھان ءِ گپ ءُ تران ءِ سبب جوڑ بوتگ۔ وزیر خزانہ ءَ بحران ءِ زوتیں اثرات آنی سر ءَ چمشانک دیان ءَ سوخت ءِ دستیابی ءُ نرخ آنی تہ ءَ نا وشھالی ءِ ذکر کت۔ آئی ءَ پاکستان ءِ ممکنہ سیکنڈری ءُ ترتیری اثرات ءِ ھوالگ ءَ جاری منظر نامہ ءِ منصوبگ بندی ءِ بابت ءَ ھم سرپدی دات، ایشی ءِ تہ ءَ افراط زر، حوالہ جات، برآمدات ءُ سرمایہ ءِ روانی ءِ سر ءَ اثرات ھوار اَنت۔ وزیر ءِ ھزانگ ءَ یک نوکیں جوانیں تب ءِ نشاندہی کنان ءَ گوشت کہ گوستگیں 25-30 روچ آنی تہ ءَ کراچی بندرگاہ ءَ ٹرانس شپمنٹ آنی کساس سرجمیں گوستگیں سال ءِ مقابلہ ءَ گیش بوتگ ایشی ءَ چہ جھان ءِ تجارتی منظر نامہ ءِ تہ ءَ نوکیں موہ آنی درشان اِنت۔ وزیر خزانہ ءَ اے گپ ءِ سر ءَ زور پر دات کہ اے بحران ءَ چہ دربرگ ءِ یک ھاسیں سبق ءِ اسٹریٹجک ذخائر ءِ جوڑ کنگ اِنت۔ آئی ءَ گیش ءَ چہ گیش دو ھاسیں نکات آنی سر ءَ زور پر دات، ایشی ءِ تہ ءَ ھدف مندیں حوالہ جات ءِ نظام ءِ وسیلگ ءَ مالیاتی نظم ءُ ضبط ءِ برجائی ءِ ارزشت ءُ اقتصادی طاقت ءِ دیمروئی ءِ تہ ٹیکنالوجی ءِ انقلابی کرد ھوار اِنت۔ وزیر ءِ ھزانگ ءَ واشنگٹن ڈی سی ءَ پاکستان ءِ سفارت خانہ ءَ برجم داشتگیں روشن ڈیجیٹل اکاؤنٹ ءُ ریمیٹنس روڈ شو پاکستان ڈائسپورا رہشونانی شام ءَ ھم گشتانک دات۔ مراگش اسٹیٹ بینک آف پاکستان ءُ پاکستان بینک ایسوسی ایشن ءِ کمک ءَ کنگ بوت۔ وزیر خزانہ ءَ ملک ءِ اقتصادی دیمروئی ءِ تہا پاکستانی ڈائسپورا ءِ بے دروریں کرد ءَ را یات پیش کنان ءَ درملکی پاکستانی آناں پاکستان ءِ درائیں اقتصادی طاقت ءِ یک ھاسیں ستون ءِ رنگ ءَ گشتگ۔ آئی ءَ روشن ڈیجیٹل اکاؤنٹ اسکیم ءِ سر ءَ حکومت ءِ برجاھیں عزم ءِ سر ءَ زور پر دات ءُ اے گپ ءِ سر ءَ زور پر دات کہ ادائیگی ءِ شدیدیں توازن ءِ بحران ءِ وھد ءَ ھم وھدے کہ درملکی زرّ ءِ ذخائر راجدپتری کمیں کچ ءَ کپتگ ات، روشن ڈیجیٹل اکاؤنٹس ءَ زرّ ءِ جم کنگ ءِ سر ءَ ھچ وڑیں بندش جنگ نہ بوتگ۔ وزیر خزانہ ءَ اسکیم ءِ تہ ءَ ھواریں نوکیں آسراتی ءُ گہتری آناں ساڑاتگ ءِ وھد ءَ گوشت کہ ایشی ءَ چہ اکاؤنٹ ہولڈر آنی واستہ سرمایہ کاری ءِ موہ آنی تہ ءَ مزنیں کساسے ءَ گیشی بوتگ۔ آئی ءَ درملکی پاکستانی آناں زور پر دات کہ آ اے موہ ءَ چہ پائدگ چست بہ کن اَنت ءُ روشن ڈیجیٹل اکاؤنٹ پلیٹ فارم ءِ وسیلگ ءَ پاکستان ءِ معیشت ءَ سرمایہ کاری بہ کن اَنت۔ مراگش ءِ گڈسرا جُست ءُ پُرس ءِ دیوان ءَ گوں آسر بوت۔ وزیر خزانہ ءَ امریکی وزیر کامرس ہاورڈ لاٹنک ءَ گوں گند ءُ نند کت۔ دوئیں نیمگ ءَ دو نیمگی اقتصادی شراکت داری ءَ را گیش مھکم کنگ ءِ امکانات آنی سر ءَ تران کت، ایشی ءِ تہ ءَ تجارت ءِ دیمروئی، سرمایہ کاری ءِ روانی ءَ را گیش کنگ ءُ نجی شعبہ ءِ بھر زوری ءَ را آسراتی دیگ ءِ سر ءَ ھاسیں دلگوشی دیگ بیت۔ گپ ءُ تران ءِ تہ ءَ کان کنی، توانائی ءُ انفارمیشن ٹیکنالوجی ءَ ھوار کلیدی شوبگ آنی تہ ءَ کمک ءِ سر ءَ ھم ھیال ریچی کنگ بوت، وھدیکہ وت مہ وتی سیت ءِ اقتصادی کمک ءِ واستہ نوکیں موہ آناں کارمرد کنگ ءِ ضلورت ءِ سر ءَ زور پر دیگ بوت۔ دومی نیمگ ءَ سی این بی سی ءَ گوں تران کنان ءَ وزیر ءِ ھزانگ ءَ گوشت کہ سفارتکاری یک واقعہ ءِ بدل ءَ یک عملے، ءُ پاکستان اے درگت ءَ امریکہ ءِ سروکی سنگین ءُ دلجمیں کوشست کنگ ءَ انت۔ گوستگیں ہفتگ ءِ گڈ ءَ پاکستان ءَ ہم اے رد ءَ کوشست کتگ۔ امریکہ ءُ ایران دوئیں ملکانی رھشونی ءَ پاکستان ءِ اے جُھد من اِتگ ءُ ھمراہ داری کتگ۔ المی گپ ایش انت کہ جنگ بندی جاگہ ​​ءَ بہ بیت ۔ اے وھد ءَ من ترا ایوک ءَ ھمے گْوش آں کہ گپ ءُ تران ءِ عمل برجاہ اِنت۔ ھزانگ ءِ وزیر ءَ گوشت کہ ایران ءُ امریکہ 50سال ءَ پد یکجاہ نشتگ انت ایشی ءَ را مزنیں کامیابی لیک انت ۔ وزیر ءِ ھزانگ ءَ گوشت کہ امیت انت کہ گپ ءُ تران سوبین بنت پرچا کہ دیم ءَ روگ ءِ یکیں راہ گپ ءُ تران ءُ سفارتکاری انت۔ آئی ءَ گوشت کہ مئے لوٹ اِنت کہ بحران گیش ءُ گیوار بہ بیت پرچہ کہ پاکستان ءُ ایندگہ ملک ھم جنگ ءِ اثرات ءَ چہ آماچ اَنت۔