حکومت سپلائی چین ءِ برجائی، گہتریں لوٹ ءُ گزر ءِ بندوبست ءُ ٹارگٹڈ سبسڈی ءِ واستہ گامگیج زورگ ءَ انت، وفاقی وزیر خزانہ محمد اورنگزیب امریکہ ءُ پاکستان بزنس کونسل ءِ نیمگ ءَ برجم داشتگیں نان ءِ مراگش ءَ گوں تران

اسلام آباد۔15اپریل  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ میاں اوستمانی جاور آنی رد ءَ پاکستان ءِ حکومت سپلائی چین ءِ برجائی، ڈیمانڈ مینجمنٹ ءِ گہتری ءُ ٹارگٹڈ سبسڈی ءِ واستہ گامگیج کنگ ءَ انت۔ آئی ءَ اے گپ ورلڈ بینک ءُ آئی ایم ایف ءِ بہارگاہ ءِ دیوان 2026 ءِ موہ ءَ امریکہ ءُ پاکستان بزنس کونسل ءِ نیمگ ءَ برجم داشتگیں نان ءِ مراگش ءَ گوں تران کنان ءَ کت انت۔اے موہ ءَ آئی ءَ پاکستان ءَ کار کنوکیں امریکی کمپنی آنی نمائندگ آنی گوما ھم گند ءُ نند کت۔ وزیر خزانہ ءَ شریکیں مردم آناں اصلاحات ءِ عمل ءِ ھوالگ ءَ پاکستان ءِ اقتصادی جاور ءُ پیشرفت ءِ بابت ءَ سرپد کت۔ آئی ءَ گوشت کہ پاکستان ءَ آئی ایم ایف ءِ توسیعی فنڈ آسراتی ءِ سیمی چار ءُ تپاسی ءُ ریزیلینس اینڈ سسٹینبلٹی آسراتی ءِ دومی چار ءُ تپاسی ءِ سر ءَ کارندہ آنی تک ءَ یک معاہدے ءِ سر ءَ سر بوتگ ءُ آئی ایم ایف بورڈ ءِ نیمگ ءَ چہ زوت ایشی ءِ منظوری ءِ امیت اِنت۔ وزیر خزانہ ءَ میاں اوستمانی تک ءَ برجاھیں جیڈھ ءِ پاکستان ءِ معیشت ءِ سر ءَ ھاسیں رنگ ءَ توان ءِ سپلائی، نرخ ءُ رسد ءِ سر ءَ زور ءِ ھم گپ جتگ۔ آئی ءَ گوشت کہ حکومت اے جاور ھال ءِ گیواری ءِ واستہ سپلائی چین ءِ برجائی، ڈیمانڈ ءِ گہتریں انتظامی ءُ ھدف مندیں سبسڈی ءِ واستہ گامگیج کنگ ءَ انت۔ وزیر ءِ ھزانگ ءَ گوشت کہ کراچی بندر ءَ ٹرانس شپمنٹ ءِ کار آنی تہ ءَ مزنیں گیشی ءُ روشن ڈیجیٹل اکاؤنٹ ءَ ریکارڈ آمدنی دو جوانیں دیمروئی اَنت۔ وزیر خزانہ ءَ ٹیکس نیٹ ءَ را گیش کنگ ءِ کوشست آنی سر ءَ زور پر دات ءُ ایف بی آر ءِ ٹارگٹڈ آڈٹ ءُ جتا جتائیں شوبگ آنی تہ ءَ گیشی ءِ ذکر کت، ھاسیں رنگ ءَ غیر رسمی پیشہ وارانہ طبقہ ءَ را ٹیکس ءِ نظام ءِ تہ ءَ آرگ ءِ واستہ۔ دیوان ءِ گڈ ءَ جست ءُ پرس ءِ دیوان ھم برجم دارگ بوت، ایشی ءِ تہ ءَ بھر زوروکاں پاکستان ءِ اقتصادی پالیشی ءُ اصلاحات ءِ ایجنڈا ءِ تہ ءَ سک باز دلگوشی ءِ درشانی کت۔