مزن وزیر شہباز شریف 15 ءَ بگر داں 18 اپریل ءَ سعودی عرب، گتر ءُ ترکی ءِ سرکاری تر ءُ تاب ءَ کنت، درئی کارانی کارگس ءِ جارکش

اسلام آباد۔15اپریل  (اے پی پی): مزن وزیر محمد شہباز شریف 15 ءَ بگر داں 18 اپریل ءَ سعودی عرب، گتر ءُ ترکی ءِ سرکاری تر ءُ تاب ءَ کنت۔ ءُ ھمے رنگ ءَ دمگ ءِ امن ءُ ایمنی ءِ ھوالگ ءَ جیڑھ ءُ جنجال ھم دیم ءَ آرگ بوتگ اَنت۔ مزن وزیر ترکی ءِ ھم تر ءُ تاب کنت اودا آ 5می انتالیہ ڈپلومیسی فورم ءَ بھر زوری کنت۔ فورم ءِ ساھت ءَ مزن وزیر دگنیا ءِ دگہ سروک آنی ھواری ءَ لیڈر پینل ءِ تہ بھر زوری کنت ءُ ھاسیں جھان ءُ دمگی جیڈھ آنی سر ءَ پاکستان ءِ لیکہ پیش کنت۔ مزن وزیر ءِ فورم ءِ ساھت ءَ بازیں دو نیمگی گند ءُ نند ءِ ھم امیت انت ایشی ءِ تہ ءَ صدر رجب طیب اردوان ءِ گوما گند ءُ نند ھم ھوار انت وھدیکہ دگنیا ءِ ایندگر ھاسیں سروک آنی گوما ھم گند ءُ نند کنگ بیت۔ اے فورم ءِ تہ ءَ پاکستان ءِ بھر زوری ءِ سبب ءَ آئی ءِ تعمیری سفارتکاری، کثیر جہتی کمک، ءُ کلیدی جھان ءِ جیڈھ آنی سر ءَ میاں اوستمانی براتی ءِ گوما بامردیں ھوار بوھگ ءِ عزم ءِ درشان اِنت۔ مزن وزیر ءِ ھمراھی ءَ نائب مزن وزیر ءُ درئی کارانی وزیر سینیٹر محمد اسحاق ڈار، وزیر ءِ ھال ءُ اھوال عطا اللہ تارڑ، مزن وزیر ءِ ھاسیں کمکار سید طارق فاطمی ءُ اے دگہ مزنیں کارندہ ھوار بنت۔