مزن وزیر محمد شہباز شریف ءَ صدر آصف علی زرداری ءَ گوں گند ءُ نند کتگ، آئی ءَ را امن ءِ کوشست آناں دیم ءَ برگ ءِ واستہ سعودی عرب ءُ ترکیہ ءِ آیوکیں تر ءُ تاب ءِ بابت ءَ سرپد کتگ

اسلام آباد۔14اپریل  (اے پی پی):صدر آصف علی زرداری ءَ ایران ءُ امریکہ ءِ گپ ءُ تران ءِ ساھت ءَ پاکستان ءِ کرد ءُ کوشست آناں توسیپ کنان ءَ گوشت کہ پاکستان ءَ راجدپتری گپ ءُ تران ءِ واستہ پلیٹ فارم ءِ پھجارینگ ءَ چہ میاں اوستمانی براتی ءِ تہ ءَ یک ذمہ وار ءُ کلیدی ملک ءِ بستار ءَ وتی جاہ ءِ پدا پدر کتگ ءُ یک رندے پدا امن دوستیں دگنیا ءِ تہ ءَ وتی امن دوستی ءِ رد ءَ ثابت کتگ۔ صدر ءِ مملکت ءَ سئے شمبے ءِ روچ ءَ مزن وزیر محمد شہباز شریف ءِ گوما صدر ءِ گس ءَ گند ءُ نند ءَ امریکہ ءُ ایران ءِ نیام ءَ گپ ءُ تران ءِ میزبانی ءَ پاکستان ءِ بے مٹیں کوشست آناں ساڑات۔ صدر ءِ مملکت ءَ دمگ ءِ استیں ایمنی ءُ سفارتی جاور ھال آنی سر ءَ گپ ءُ تران کنان ءَ گوشت کہ اے جاور آنی اثر ایوک ءَ دمگ ءِ سر ءَ نہ بلکینگ ءَ سرجمیں جھان ءِ ایمنی، معیشت ءُ سیاست ءِ سر ءَ ھم محسوس کنگ بنت۔ گند ءُ نند ءِ ساھت ءَ مزن وزیر ءَ صدر ءِ مملکت ءَ را ایران ءُ امریکہ ءِ نیام ءَ گپ ءُ تران ءِ توامیں پڑ ءِ سر ءَ دلجمی ءَ زرتگ۔ مزن وزیر ءَ گپ ءُ تران ءِ جتا جتائیں پڑ ءُ پاکستان ءِ ثالثی ءَ چہ بوتگیں پیشرفت ءِ بابت ءَ سرجمیں بریفنگ دات۔ آئی ءَ صدر ءِ مملکت ءَ را ایمنی ءِ کوشست آناں گیش کنگ ءِ واستہ سعودی عرب ءُ ترکیہ ءِ آیوکیں تر ءُ تاب ءِ بابت ءَ ھم سرپد کت۔ صدر آصف علی زرداری ءَ اے سفارتی گامگیج ءَ را سوبین کنگ ءِ واستہ مزن وزیر، نائب مزن وزیر ءُ دری کارانی وزیر، سروک دفاعی فورسز ءُ توامیں ریاستی ادارگ آنی بے مٹیں کوشست آناں ساڑات۔ آئی ءَ گوشت کہ اے مزنیں تک ءِ رابطہ ءَ را ممکن جوڑ کنگ ءِ واستہ درستیں اسٹیک ہولڈر آنی نیام ءَ مثالی رابطہ کاری کلیدی ثابت بوتگ۔ صدر ءِ مملکت ءَ جہانی امن ءُ دمگی برجائی ءِ دیمروئی ءِ واستہ پاکستان ءِ راجدپتری کرد ءَ را ساڑات۔ آئی ءَ گوشت کہ اے راجدپتری گپ ءُ تران آنی واستہ پلیٹ فارم ءِ پجاری ءَ چہ پاکستان ءَ میاں اوستمانی براتی ءَ یک زمہ وار ءُ کلیدی ملک ءِ بستار ءَ وتی بستار ءِ پدا پدر کتگ ءُ یک رندے پدا دگنیا ءِ تہ ءَ وتی امن دوستیں نام ءَ را سما کتگ۔ صدر ءِ مملکت ءَ گوشت کہ مزن وزیر ءُ نائب مزن وزیر امن   ءُ ایمنی  ءِ برجاھی ءُ دمگی یکوئی ءَ را دل یکیمی کنگ ءِ واستہ امریکہ ءُ ایران ءِ ھواری مزنیں دمگی ءُ جھان ءِ طاقت آنی گوما سرگرمیں رنگ ءَ ھوار بہ بنت۔ گند ءُ نند ءَ نائب مزن وزیر سینیٹر محمد اسحاق دار ءُ وفاقی وزیر سینیٹر رانا ثناء اللہ ءَ بہر زرتگ ءُ صدر ءِ مملکت ءَ پیسریگیں مزن وزیر راجہ پرویز اشرف، سینیٹ ءَ پیپلز پارٹی ءِ پارلیمانی رہشون سینیٹر شیری رحمان ءُ پیسریگیں سینیٹ چیئرمین سید بخاری حیار ءَ کمک کتگ۔