بلومبرگ ءُ رائٹرز ءَ گوں تران کنان ءَ گشتگ کہ پاکستان زرّ ءِ ذخیرہ ءِ استحکام ءِ ھاتر ءَ جتا جتائیں ملک ءُ مالیاتی ادارگ آنی نیمگ ءَ چہ کمک لوٹگ ءِ  اوست آنی سر ءَ چار ءُ بچار کنگ ءَ اِنت، بنجاھی وزیر  ھزانگ  ھزانگ  اورنگزیب  ءِ گلگدار

اسلام آباد۔ 14 اپریل (اے پی پی)  : وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ پاکستان ءَ تیل ءِ بہا ءِ تہ ءَ گیشی ءِ سبب ءَ زرّ ءِ ذخیرہ ءِ برجائی ءِ واستہ جتا جتائیں ملک ءُ مالیاتی ادارگ آنی نیمگ ءَ چہ کمک لوٹگ ءِ امکان ءِ سر ءَ ھیال ءُ لیکہ کنگ بوھگ ءَ اِنت۔ پاکستان ھم اولی رند ءَ پانڈا بانڈ جاری کنگ ءِ تیاری ءَ اِنت۔ انٹرنیشنل مانیٹری فنڈ ءِ بورڈ ءَ اے ماہ ءِ گڈ ءَ یا آیوکیں ماہ ءِ بندات ءَ تاں پاکستان ءِ واستہ نوکیں وام ءِ منظوری دات کنت۔ آئی ایم ایف ءُ ورلڈ بینک ءِ سالانہ دیوان ءِ ساھت ءَ واشنگٹن ءَ بلومبرگ ءُ رائٹرز ءَ گوں تران کنان ءَ وزیر ءِ ھزانگ ءَ گوشت کہ ھرچ مالی فرق ءِ پُر کنگ ءِ ضلورت اِنت آ جتا جتائیں وسیلگ آنی وسیلگ ءَ پیلو کنگ بیت ایشی ءِ تہ ءَ تجارتی وام ءُ دو نیمگی مالی کمک ھوار اِنت۔ ما درستیں آپشنانی سرا غور کنگ ءَ ایں ۔ وزیر ءِ ھزانگ ءَ گوشت کہ فروری ءِ گڈ ءَ ایران ءِ سر ءَ امریکا ءُ اسرائیل ءِ اُرش ءَ چہ پیسر پاکستان ءِ مالی ءُ درملکی زرّ ءِ ذخیرہ مھکم بوتگ اَنت۔ پاکستان ءَ وتی قرضہ آنی پچ گرگ ءِ توانائی ءِ سر ءَ دلجمی اِنت۔ وزیر خزانہ ءَ گوشت کہ ما زرّ ءِ پچ گرگ ءِ واستہ جزم آں ءُ اے گپ ءَ را دل یکیمی کن ایں کہ ذخائر ءَ را جوانیں تک ءَ دارگ ءِ واستہ ایندگر وسیلگ ھم دست کپ اَنت۔ وزیر ءِ ھزانگ ءَ گوشت کہ پاکستان ءِ ارادہ اِنت کہ اے سال ءَ گلوبل بانڈ مارکیٹ ءَ واتر بہ بیت ءُ چارسال ءِ وھد ءُ پاس ءَ پد یورو بانڈ جاری کنت۔ ما یورو بانڈز، اسلامی سکوک ءُ بانڈز ءِ یک ترکیبے ءَ کارمرز کنیں کہ ڈالر ءِ تہا انت بلے روپیہ ءَ گوں بندوک انت۔ حکومت زوت اے بانڈز ءِ ھاتر ءَ لیڈ مینیجرز ءِ گچین کنگ ءِ عمل ءَ بندات کنت۔ آئی ءَ گوشت کہ پاکستان ءَ اولی رند ءَ چینی کرنسی (پانڈا بانڈز) ءَ بانڈ جاری کنگ ءِ ھم تیاری کنگ ءَ انت کہ ایشی ءِ دومی سہ ماہی ءَ جاری کنگ ءِ گمان انت۔ ایشیائی دیمروئی بینک ءُ ایشیائی انفراسٹرکچر سرمایہ کاری بینک اے عمل ءِ تہا کریڈٹ ءِ کمک ءَ کنت۔ ابتدائی 250 ملین ڈالر ءِ زرّ ءِ دیم دیگ بیت کہ اے کلیں یک ارب ڈالر ءِ منصوبہ ءِ بہر اِنت۔ پاکستان ءَ امیت اِنت کہ میاں اوستمانی مالیاتی فنڈ زوت 7ارب ڈالر ءِ بیل آؤٹ پروگرام ءِ آیوکیں بھر ءِ منظوری ءَ دنت، ایشی ءِ تہ ءَ ماحولیاتی استحکام فنڈ ءِ چیر دستی ءَ زرّ ءِ شنگ ءُ تالان ءُ 7ارب ڈالر ءِ بیل آؤٹ پروگرام ءِ آیوکیں بھر ھوار اِنت کہ ایشی ءَ چہ نزیک ءَ 1.3ارب ڈالر ءِ کمک رس ایت۔ اے وھد ءَ سرکار تیل ءِ نھاد ءِ زور ءِ باوجود پروگرام ءِ تہ ءَ ھچ وڑیں گیشی یا پیشگی زرّ ءِ لوٹ کنگ ءِ ارادہ نہ کنت۔ آئی ءَ گوشت کہ اگاں ما معیشت ءَ را مزنیں ھوپ ءِ مارشت ءَ کن ایں گڈا آئی ایم ایف ءَ گوں گپ ءُ تران کن ایں بلے اے وھد ءَ اے وڑیں منصوبگ چار ءُ تپاسی ءِ تہ ءَ نیست انت۔ وزیر ءِ ھزانگ ءَ گوشت کہ پاکستان ءَ وتی توامیں وام آناں ادا کنگ ءِ صلاحیت است انت ایشی ءِ تہ ءَ زرّ ءِ ذخیرہ اے وھد ءَ نزیک ءَ 2.8ماہ ءِ درآمد ءِ برابر انت۔ آئی ئَ گوشت کہ آیوکیں وھد ئَ مئے سرجمیں اقتصادی برجائی ئِ واستہ اے تک ئِ برجائی سک باز المی بیت۔ وزیر خزانہ ءَ گوشت کہ انٹرنیشنل مانیٹری فنڈ بورڈ اے ماہ ءِ گڈ ءَ یا آیوکیں ماہ ءِ بندات ءَ تاں وام ءِ نوکیں بھر ءِ منظوری دات کنت، ایشی ءَ چہ نزیک ءَ 1.3ارب ڈالر ءِ کمک رس ایت۔ اے زرّ توسیعی فنڈ ءِ آسراتی ءُ لچک ءُ پائیداری ءِ آسراتی ءِ چیر دستی ءَ دیگ بیت۔ آئی ءَ گوشت کہ جی ڈی پی ءِ نزیک ءَ 4درسد ءِ گیشی، نزیک ءَ 41.5ارب ڈالر ءِ زرّ ءِ دیم دیگ ءُ اقتصادی رد ءَ نزوریں مردم آناں ھدف مندیں کمک ءِ وڑیں سبب رواں مالی سال ءَ ایران ءِ جنگ ءِ اقتصادی اثر آناں برداشت کنگ ءَ کمک کت کن اَنت۔ وزیر خزانہ ءَ گوشت کہ تیل ءُ توان ءِ نرخ آنی تہ ءَ گیشی ءَ چہ اے گپ پدر بوتگ کہ ملک ءَ را ایندھن ءُ ایل پی جی ءِ اسٹریٹجک ذخائر جوڑ کنگ لوٹ ایت، ایوک ءَ تجارتی ذخائر آنی سر ءَ انحصار ءَ را کم کنگ ءُ قابل تجدید توانائی ءِ نیمگ ءَ رھادگ بوھگ ءَ را ترند کنگ لوٹ ایت۔ آئی ءَ گوشت کہ سپلائی چین ءِ تہ ءَ جھٹکا یک ھاسیں پیغام ءِ دیم ءَ کار اَنت کہ مارا اے بدلی آنی گوما ترندیں رنگ ءَ دیم ءَ روگی اِنت۔