آئی جی ایف بلوچستان (ساؤتھ) ءَ گورنمنٹ بوائز ڈگری کالج، چتکان  ءِ نوک جوڑیشت  ءَ پد بنگیج کت

کوئٹہ۔ 13اپریل (اے پی پی): آئی جی ایف بلوچستان (ساؤتھ) ءَ پنجگور ءِ تر ءُ تاب کتگ ءُ ایف سی بلوچستان (ساؤتھ) پرواز فاؤنڈیشن ءِ نیمگ ءَ چلائینگ بوتگیں گورنمنٹ بوائز ڈگری کالج چتکان  ءِ نوکیں رنگ ءَ پد بنگیج کتگ۔ مذکورہ کالج یک مزنیں وھدے ءَ چہ ھرابیں جاوراں بوتگ ات، ایشی ءِ سبب ءَ نودربر وتی وانگ ءُ زانگ ءِ کارانی تہ ءَ سکیں مشکلانی آماچ بوتگ اتنت۔ نودربر ءُ استادانی دیریں واھگ ءِ سر ءَ ایف سی بلوچستان (جنوب) پرواز فاؤنڈیشن ءَ گوں خیراتی این جی اوز آنی ھمکوپگی ءَ کالج ءِ نوک جوڑ کنگ ءُ نوکیں وانگ ءُ زانگ ءِ آسراتی آں گوں لیس کنگ بوتگ۔ اے منصوبگ ءِ چیر دستی ءَ کالج ءَ کلاس روم ءُ آڈیٹوریم ءِ نوک کنگ، ساؤنڈ سسٹم ءِ پھجارینگ، فٹبال گراؤنڈ ءِ جوڑ کنگ، ٹف ٹائل ءِ ایر کنگ، آر او پلانٹ ءُ ٹریننگ ایڈز ءِ پھجارینگ، ءُ دگہ جوڑیشت ءِ کار سوبمندیں رنگے ءَ سرجم کنگ بوتگ اَنت۔ اے موہ ءِ سر ءَ نودربر ءُ استاداں اے گامگیج ءِ سر ءَ ایف سی بلوچستان (جنوب) پرواز فاؤنڈیشن ءِ ساڑاھگ ءُ منت گپت۔