پاکستان ڈیری ایسوسی ایشن ءِ ڈل ءَ وفاقی وزیر تجارت ءَ گوں گند ءُ نند

اسلام آباد۔13اپریل  (اے پی پی): پاکستان ڈیری ایسوسی ایشن ءِ ڈل ءَ سی ای او ڈاکٹر شہزاد امین ءِ سروکی ءَ دوشمبے ءِ روچ ءَ وفاقی وزیر تجارت جام کمال خان ءَ گوں گند ءُ نند کت۔ گند ءُ نند ءَ مزن وزیر ءِ کوآرڈینیٹر برائے کامرس رانا احسان افضل ءُ وزارت کامرس ءِ مزن مزنیں کارندہ آں ھم بھر زوری کت۔ گند ءُ نند ءَ پاکستان ءِ ڈیری سیکٹر ءِ دیم ءَ چیلنج ھاسیں رنگ ءَ ٹیرف ءُ ٹیکس ءِ جیڈھ آنی ھوار پیداواری، جینیاتی کوالٹی ءُ شوبگ ءِ باقاعدہ کنگ ءِ جیڈھ آنی سر ءَ ھیال ریچی کنگ بوت۔ جام کمال خان ءَ گوشت کہ ڈیری نسل آنی جینیاتی کوالٹی ءَ را گیش کنگ ءُ کشت ءُ کشاری ءِ باقاعدہ کاروباری ماڈل ءِ نیمگ ءَ رھشونی کنگ شوبگ ءِ دیمروئی ءِ واستہ المی اِنت۔ جام کمال ءَ گوشت کہ جوانیں جینیاتی رھشونی ءِ ھست نہ بوھگ ءَ کشت ءُ کشاری لوٹوکیں شیر ءِ پیداوار ءَ را سر نہ بنت ءُ اے شوبگ ءِ بدلی ءِ واستہ منظم کمک، ریگولیشن ءُ کشت ءُ کشاری ءِ وانگ ءُ زانگ المی اِنت۔ پاکستان ڈیری ایسوسی ایشن ءَ اے گپ ءِ نیمگ ءَ دلگوش گور کت کہ ڈیری ءِ چیز آنی سر ءَ انوگیں جی ایس ٹی 18درسد اِنت وھدے کہ جھان ءِ تک ءَ اے وڑیں چیز آنی سر ءَ باز براں صفر یا کم چہ کم ٹیکس ءِ سر ءَ ٹیکس جنگ بیت۔ جام کمال خان ءَ انجمن ءَ چہ لوٹ کت کہ آ جی ایس ٹی ءَ را 18درسد ءَ چہ 10درسد ءَ کم کنگ ءِ تجویز پیش بہ کنت ءُ رانا احسان افضل ءَ چہ لوٹ کت کہ آ یک سرجمیں تجویز ءِ تیار کنگ ءِ ھاترا انجمن ءِ گوما کار کنگ ءِ تہ ءَ دیم ءَ بہ روت۔ جام کمال ءَ گوشت کہ آ بنجاھی وزیر ءُ توامیں سیادی داروکیں وزیر آناں نمدی نبشتہ کنت تانکہ اے سوج آنی سر ءَ عمل کنگ ءُ سرجمیں ملک ءَ ڈیری سیکٹر ءِ رسمی کنگ ءَ را گہتر کنگ ءِ واستہ ھمگرنچی ءُ کمک ءَ را دل یکیمی کنگ بہ بیت۔ ایسوسی ایشن ءَ گیشیں سوج داتگ اَنت، ایشی ءِ تہ ءَ کشت ءُ کشاری آناں مالی کمک ءُ بینکنگ آسراتی ءِ پھجارینگ، ایوک ءَ پاسچرائزڈ یا جوانیں رنگ ءَ پیک کتگیں شیر ءِ بہا کنگ ءَ را دل یکیمی کنگ ءِ واستہ ریگولیٹری گامگیج آنی سر ءَ عمل کنگ ءُ کشت ءُ کشاری آناں باقاعدہ کاروباری رھبند آنی تہ ءَ شنگ کنگ ءِ واستہ مزنیں شہری مراکز آنی تہ ءَ پائلٹ پروگرام بندات کنگ ھوار اَنت۔ آئی ءَ جینیاتی کوالٹی ءَ را گیش کنگ ءُ سرجمیں شیر ءِ پیداوار ءَ را گہتر کنگ ءِ واستہ کراس بریڈنگ پروگرام ءُ کشت ءُ کشاری ءِ تربیت ءِ ضلورت ءِ سر ءَ ھم زور پر دات۔ وزیر جام کمال خان ءَ اے سوج آنی وش اتک کت ءُ اے گپ ءِ سر ءَ زور پر دات کہ وھد ءِ سر ءَ عمل کنگ ءِ واستہ یک جامع منصوبگ ءِ تیار کنگ بہ بیت، اے گپ ءَ را دل یکیمی کنگ بہ بیت کہ پاکستان ءِ ڈیری سیکٹر گیشیں پیداوار، جوانیں ریگولیٹری ءِ رد ءَ عمل کنگ ءُ