صدر ءَ پیٹر ماجار  ءَ ہنگری ءِ پارلیمانی گچین کاری ءَ سوبمندی ءِ سرا مبارک بات داتگ

اسلام آباد۔13اپریل  (اے پی پی): صدر آصف علی زرداری ءَ ہنگری ءِ پارلیمانی گچین کاری ءَ پیٹر ماجار  ءَ را سوبمندی ءِ مبارک بات داتگ۔ دوشمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ پیٹر ماجار  ءِ واستہ نیکیں واھگ آنی درشان کت ءُ گوشت کہ آئی ءِ سروکی ءَ ہنگری گیش دیمروئی کنت ءُ پاکستان ءُ ہنگری ءِ سیادی گیش مھکم بنت۔ صدر ءِ مملکت ءَ گوشت کہ مئے واستہ اے ھاسیں ارزشت ءِ انت کہ ہنگری ءِ گچین کاری آنی تہ ءَ ورنا آں ھاسیں کرد پیلو کتگ۔ آئی ءَ گوشت کہ مارا امیت انت کہ پاکستان ءَ کہ اودا آبادی ءِ گیشتریں بہر ورنا انت، ورنا ھمے جزبگ ءَ گوں ملک ءِ آیوکیں باندات ءِ زمہ واری ءَ زور انت۔ صدر آصف علی زرداری ءَ گوشت کہ امیت انت کہ آیوکیں وھد ءَ پاکستان ءُ ہنگری ءِ سیادی وت مہ وتی نپ ءِ شوبگ آنی تہ ءَ گیش دیمروئی کن اَنت۔