سر وزیر بلوچستان ءَ ھزار گنجی ءَ تیر گواری ءِ وئیل ءِ نوٹس زرتگ ، محکمہ داخلہ ءُ آئی جی پولیس ءَ چہ رپورٹ لوٹگ بوتگ

کوئٹہ۔ 12 اپریل (اے پی پی): کوئٹہ ءِ دمگ ہزار گنجی ءَ تیرگواری ءِ وئیل ءِ نوٹس زورگ ءَ سر وزیر بلوچستان میر سرفراز بگٹی ءَ محکمہ داخلہ ءُ آئی جی پولیس ءَ چہ ترندیں رپورٹ لوٹ کتگ۔ میر سرفراز بگٹی ءَ ناشرکاریں عناصر ءِ ھلاپ ءَ سکیں کارروائی ءِ پرمان دیگ ءِ وھد ءَ اے وئیل ءِ سر ءَ سک باز رنج ءُ گم ءِ درشانی کتگ ءُ آماچیں ھاندان آنی گوما دل ءِ جہلانکی ءَ ھمدردی ءِ درشانی کتگ۔ یک شمبے ءِ روچ ءَ وتی بیان ءِ تہ ءَ بنجاھی وزیر ءَ گوشت کہ بزدلی ءِ کار ناقابل برداشت اِنت، ایشی ءِ تہ ءَ ھواریں عناصر کانود ءِ چنگل ءَ چہ رکگ ءَ نہ اَنت۔ آئی ءَ گوشت کہ امن ءِ دژمنیں عناصر آناں بے گناھیں جان آنی گوما گوازی کنگ ءِ اجازت دیگ نہ بیت۔ آئی ءَ ٹپیگاں زوت ءُ جوانیں طبی کمک ءِ پک کنگ ءِ ھم ہدایت کتگ۔