کوئٹہ۔ 12 اپریل (اے پی پی): صوبائی داخلہ ءِ وزیر میرزاللہ لانگو ءَ یک شمبے ءِ روچ ءَ سول ہسپتال کوئٹہ ءِ ٹراما سنٹر ءِ تر ءُ تاب کتگ ءُ ہزرگنجی وئیل ءَ ٹپیگ آنی گند ءُ نند کتگ۔ بلوچستان ءِ تہی کارانی وزیر ءَ ٹپیگانی کھول ءَ گوں گند ءُ نند کتگ ءُ ٹپیگاں جوانیں دوا ءُ درمان کمک دیگ ءِ سر ءَ دل یکیمی ءِ درشانی کتگ۔ مرزاللہ …
وزیر داخلہ بلوچستان ءَ سول ہسپتال ءَ تر ءُ تاب کتگ ، ہزار گنجی وئیل ءَ ٹپیانی ھالپرسی
کوئٹہ۔ 12 اپریل (اے پی پی): صوبائی داخلہ ءِ وزیر میرزاللہ لانگو ءَ یک شمبے ءِ روچ ءَ سول ہسپتال کوئٹہ ءِ ٹراما سنٹر ءِ تر ءُ تاب کتگ ءُ ہزرگنجی وئیل ءَ ٹپیگ آنی گند ءُ نند کتگ۔ بلوچستان ءِ تہی کارانی وزیر ءَ ٹپیگانی کھول ءَ گوں گند ءُ نند کتگ ءُ ٹپیگاں جوانیں دوا ءُ درمان کمک دیگ ءِ سر ءَ دل یکیمی ءِ درشانی کتگ۔ مرزاللہ لانگو ءَ گشتگ کہ پمیشکیں کھول ءِ غم ءَ سرکار شریک انت، ٹپیگانی الاج ءِ ذمہ واری حکومت انت، وھدیکہ ٹپیگاں ھم اگاں ضلورت بوت گڈا کراچی ءَ شِفٹ کنگ بیت۔ وزیر داخلہ مرزاللہ لانگو ءَ گوشت کہ غم ءِ آماچیں ھاندان ءُ سیاد ءُ وارس آناں صبر ءُ اوپار ءِ درشان کنگ لوٹ ایت، الس ءِ جان ءُ مال ءِ رکھینگ ءَ ھرچ وڑ ءَ دل یکیمی کنگ بیت۔ آئی ءَ گوشت کہ بے سلاہ ءُ بے میاریں مردمانی کوش ھچ وڑیں جاوراں منگ نہ بیت، بلوچستان سرکار چاگرد ءِ درستیں باسک آنی گوما یکجائی ءَ ناشرکار آنی ھلاپ ءَ جنگ کنت ءُ صوبگ ءَ امن ءُ ایمنی ءِ واستہ ھمک رنگ ءِ گامگیج چست کنگ بیت۔
