اسحاق دار ءِ ٹیلی فون ءِ گپ ءُ تران ءَ گوں ترکی ءِ دری کارانی وزیر ءَ امن ءُ ایمنی ءِ دیمروئی ءِ ھاترا درستیں سفارتی کوشست آنی حمایت ءِ درشان

اسلام آباد۔12اپریل  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ ترکی ءِ دری کارانی وزیر ھاکان فیدان ءَ گوں ٹیلی فون ءِ سر ءَ گپ ءُ تران کت۔ یک شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ درئی کار ءِ وزیر ءَ آئی ءَ را اسلام آباد ءِ گپ ءُ تران ءِ تہ ءَ بوتگیں پیشرفت ءِ بابت ءَ سرپد کتگ ءُ اے گپ ءِ سر ءَ زور پر داتگ کہ توامیں فریق وتی جنگ بندی ءِ زمہ واریانی سر ءَ عمل بہ کن اَنت۔ ترکی ءِ درئی کارانی وزیر ھاکان فیدان ءَ ایران ءُُ امریکہ ءِ نیام ءَ گپ ءُُ تران ءِ آسراتی ءِ تہ ءَ پاکستان ءِ کرد ءَ را ساڑات۔ دوئیں رہشوناں گپ ءُ تران ءِ برجاہ دارگ ءُ خطہ ءُ ایشی ءَ چہ دریں دمگاں امن ءُ ایمنی ءِ دیمروئی ءِ واستہ درستیں سفارتی کوشست آنی حمایت ءِ یک رند ءَ پدر کت۔ درئی کارانی وزیر ھاکان فیدان ءَ نائب مزن وزیر ءُ درئی کارانی وزیر اسحاق ڈار ءَ را ھمے ماہ ءَ برجم دارگ بوھوکیں ’’انٹالیا ڈپلومیسی فورم‘‘ ءَ بھر زوری ءِ دعوت ھم داتگ۔