اسلام آباد۔12اپریل (اے پی پی): امریکی نائب صدر جے ڈی وینس ءَ پاکستان ءِ منت گپت کہ آئی ءَ گپ ءُ تران ءِ جوانیں میزبانی کتگ ءُ گڈی آسر ءَ سر نہ بوھگ ءَ را امریکہ ءُ ایران ءِ ھاتر ءَ ھرابیں ھال لیک اِتگ ءُ گْوشتگ کہ ما ایران ءَ گوں شرتریں پیشکش ءَ رھادگ بوھگ ءَ ایں، بیا اِت کہ ایران چونیں پسو ءَ دنت، ما بازیں ھاسیں …
امریکی نائب صدر جے ڈی وینس ءَ میڈیا ءَ گوں تران کنان ءَ گشتگ کہ ما نیک نیتی ءَ گپ ءُ تران ءَ بہر زرتگ، ما وتی ریڈ لائن ءَ را پدر کتگ کہ ما کجام چیزانی اجازت ءَ دات کنیں ءُ کجام چیزاں اجازت دات نہ کنیں
اسلام آباد۔12اپریل (اے پی پی): امریکی نائب صدر جے ڈی وینس ءَ پاکستان ءِ منت گپت کہ آئی ءَ گپ ءُ تران ءِ جوانیں میزبانی کتگ ءُ گڈی آسر ءَ سر نہ بوھگ ءَ را امریکہ ءُ ایران ءِ ھاتر ءَ ھرابیں ھال لیک اِتگ ءُ گْوشتگ کہ ما ایران ءَ گوں شرتریں پیشکش ءَ رھادگ بوھگ ءَ ایں، بیا اِت کہ ایران چونیں پسو ءَ دنت، ما بازیں ھاسیں جیڑھانی سر ءَ تفصیل ءَ گپ ءُ تران کتگ پہ ایرانی ءِ ھاتر ءَ مول ءُ مراد ایش انت کہ ایران ءَ ایٹمی سلاہ مہ رسیت، ما مزن وزیر محمد شہباز شریف ءُ فیلڈ مارشل سید عاصم منیر ءِ منت واریں کہ آہاں وشیں میزبانی کتگ، آہاں گپ ءُ تران سوبمند کنگ ءُ دوئیں ملکانی نیام ءَ دوری کم کنگ ءِ ھاترا مزنیں کوشست کتگ۔ اے ھیالانی درشانی آئی ءَ امریکا ءُ ایران ءِ نیام ءَ بوتگیں گپ ءُ تران ءِ ھوالگ ءَ میڈیا ءَ گوں تران کنان ءَ کت اَنت۔ جے ڈی وینس ءَ گوشت کہ 21کلاک آنی تہ ءَ ایرانی ڈل ءَ گوں بازیں ھاسیں گپ آنی سر ءَ سرجمیں رنگ ءَ گپ ءُُ تران بوتگ ۔ اے وشیں ھال اِنت ءُ ھرابیں ھال ایش اِنت کہ ما ھچ وڑیں تپاکی ءِ سر ءَ سر نہ بوتگیں ءُ منی ھیال ءَ اے پہ ایران ءَ چہ امریکہ ءَ ھم بدتریں ھال اِنت۔ آئی ءَ گوشت کہ ما بے ھچ تپاکی ءَ پد امریکہ ءَ واتر کن ایں ۔ ما وتی شرت گوں ھاسیں رنگے ءَ پیش داشتگ اَنت۔ ما نیک نیتی ءَ گوں گپ ءُ تران ءَ بہر زرتگ۔ ما وتی رڈ لائن ءَ چہ اے گپ ءَ پدر کتگ کہ ما کجام چیزانی ھاترا جاگہ جوڑ کنیں ءُ کجام چیزانی ھاترا جاگہ جوڑ کُت نہ کنیں۔ بلے ایران ءَ مئے شرطاں نہ منگ ءِ راہ گچین کت۔ ما چہ ایرانی واکداراں لوٹ کتگ کہ مئے پیشکشاں بہ من اَنت۔ آئی ءَ گوشت کہ یک پدریں دل یکیمی ءِ ضلورت انت کہ ایران ایٹمی سلاہ جوڑ نہ کنت۔ مئے مستریں مول ءُ مراد ھمیش اِنت کہ آیوکیں وھد ءَ ایران ءَ ایٹمی سلاہ دست مہ کپ اَنت۔ ما گوں شرتریں پیشکش ءَ ایران ءَ روگ ءَ ایں ۔ اے مئے گڈی ءُ شرتریں پیشکش اِنت۔ نوں بچاریں کہ ایران مئے پیشکش ءَ چے پسو دنت۔ وشیں مہمان داری ءِ پد ءَ مزن وزیر محمد شہباز شریف ءَ آئی ءِ شگر ءُ منت گپت۔ ءُ من فیلڈ مارشل سید عاصم منیر ءِ منت واراں کہ آئی ءَ گپ ءُ تران ءِ سوب مند کنگ ءِ واستہ مزنیں جہد ءُ کوشستے کتگ۔ گپ ءُ تران ءِ وھد ءَ میزبانیں ملک پاکستان ءَ دوئیں ملکانی نیام ءَ دوری ءِ کم کنگ ءِ واستہ مزنیں کوشست کتگ ۔
