امریکہ ءُ ایران دمگ ءُ دگنیا ءِ تہ ءَ برجمیں امن ءُ وشھالی ءِ واستہ جوانیں ھیال ءُ لیکہ ءِ گوما دیم ءَ روان کن اَنت، پاکستان ہم آہنگی ءُ مذاکرات ءِ عمل ءَ آسراتی ءِ کرد ءَ برجاہ دار ایت، نائب مزن وزیر محمد اسحاق ڈار ءِ میڈیا بریفنگ

اسلام آباد۔12اپریل  (اے پی پی): نائب مزن وزیر ءُ دری کارانی وزیر محمد اسحاق ڈار ءَ گوشت کہ امریکہ ءُ ایران ءِ نیام ءَ بازیں راؤنڈ ٹوھیں ءُ جوڑیشت گپ ءُ تران بوتگ۔ کلاک ءِ گپ ءُ تران مرچی سھب ءَ آسر بوت۔ آئی ءَ گوں فیلڈ مارشل سید عاصم منیر ءَ بازیں راؤنڈ گپ ءُ تران ءِ آسراتی داتگ۔ آئی ءَ مزن وزیر ءِ جنگ بندی ءِ لوٹ منگ ءُ جوانیں پسو دیگ ءِ واستہ امریکہ ءُ ایران ءِ شگر ءُ منت گپت۔ اے گپ المی انت کہ دوئیں ملک جنگ بندی ءِ برجاہ دارگ ءِ ھاترا پابند بہ بنت۔ امیت انت کہ دوئیں ملک پڑ ءُ دگنیا ءِ پائیدار امن ءُ وشھالی ءِ واستہ جوانیں ذہنیت ءِ گوما دیم ءَ روان کن انت۔ پاکستان امریکہ ءُ ایران ءِ نیام ءَ ھمگرنچی ءُ مذاکرات ءِ عمل ءَ آسراتی ءِ کرد ءَ برجاہ دار ایت۔ اے ھیالانی درشانی آئی ءَ یک شمبے ءِ روچ ءَ امریکہ ءُ ایران ءِ نیام ءَ گپ ءُ تران ءِ ھوالگ ءَ میڈیا بریفنگ ءِ تہ ءَ کت۔ اسحاق ڈار ءَ گوشت کہ پاکستان ءِ لوٹ ءِ پد ءَ امریکہ ءِ نائب صدر جے ڈی وینسی ءُ ایران ءِ پارلیمنٹ ءِ اسپیکر قادر قلیباف ءِ سروکی ءَ دوئیں ملک آنی ڈل پاکستان ءَ اتکگ ءُ گپ ءُ تران ءَ بھر زرتگ۔ آئی ءَ دوئیں ملک آنی منت گپت کہ آھاں مزن وزیر محمد شہباز شریف ءِ لوٹ ءِ سر ءَ جوانیں پسو داتگ، جنگ بندی ءِ لوٹ ءُ اسلام آباد ءَ آیگ ءِ دعوت من اِتگ۔ آئی ءَ گوشت کہ مرچی سھب ءَ امریکا ءُ ایران ءِ نیام ءَ 24کلاک ءِ گپ ءُ تران آسر بوتگ۔ دوئیں نیمگ آنی نیام ءَ بازیں راؤنڈ ءِ جامع ءُ تعمیری گپ ءُ تران بوتگ۔ من ءُ فیلڈ مارشل سید عاصم منیر ءَ گپ ءُ تران ءِ عمل ءَ کمک کت۔ من پاکستان ءِ جوانیں کرد ءِ پارٹی آنی نیمگ ءَ چہ منگ ءِ منت وار آں ۔ اے گپ المی انت کہ دوئیں ملک جنگ بندی ءِ برجاہ دارگ ءِ ھاترا پابند بہ بنت۔ نائب مزن وزیر ءُ وزیر ءِ درئی کار ءَ اے امیت سہرا کت کہ دوئیں ملک پڑ ءُ دگنیا ءَ برجمیں امن ءُ وشھالی ءِ واستہ جوانیں سوچ ءِ گوما دیم ءَ جنزان بنت۔ پاکستان امریکہ ءُ ایران ءِ نیام ءَ ھمگرنچی ءُ مذاکرات ءِ عمل ءَ آسراتی ءِ کرد ءَ برجاہ دار ایت۔