سر وزیر بلوچستان ءَ صوبگ ءَ برجاھیں وانگ ءُ زانگ ءِ اصلاحات ءِ جوانیں آسر دیم ءَ آیگ ءَ بندات بوتگ انت

کوئٹہ۔ 11 اپریل (اے پی پی): بلوچستان ءِ سر وزیر میر سرفراز بگٹی ءَ گشتگ کہ صوبہ ءِ تہا برجاھیں وانگ ءُ زانگ ءِ اصلاحات ءِ جوانیں آسر دیما آہگ ءَ بندات بوتگ انت ءُ اسکول داخلہ ءِ مہم جوانیں رنگے ءَ دیم ءَ روگ ءَ انت۔ آئی ءَ سوشل نیٹ ورکنگ ویب سائٹ ایکس ءِ سر ءَ وتی پیغام ءِ تہ ءَ گوشت کہ ضلع لسبیلہ ءَ داخلہ مہم ءِ تہ ءَ 100درسد ٹارگٹ ءِ سر ءَ سر بوھگ ءَ سرجمیں صوبگ ءِ واستہ یک برجمیں مثال ءِ دیم ءَ آؤرتگ۔ بنجاھی وزیر ءِ رد ءَ لسبیلہ ءَ سرجم ءَ 5556 زھگ اسکول آنی تہ ءَ داخل کنگ بوتگ اَنت کہ ایشی ءِ تہ ءَ 2540 جنک ھوار اَنت۔ آئی ءَ اے پیشرفت ءَ را وانگ ءُ زانگ ءُ صنفی برابری ءِ دیمروئی ءِ نیمگ ءَ یک ھاسیں گامگیج لیک اتگ۔ میر سرفراز بگٹی ءَ گوشت کہ جنک ءُ زھگ آنی داخلہ ءِ شرح ءِ تہ ءَ گیشی یک وشیں باندات ءُ دیمروئی کتگیں بلوچستان ءِ ضمانت انت۔ آئی ءَ اے گپ ءِ پدرائی کت کہ حکومت وانگ ءُ زانگ ءِ شوبگ ءِ گہتری ءِ واستہ درستیں دستیابیں وسیلگ آناں کارمرد کنگ ءَ اِنت۔ بنجاھی وزیر ءَ اے جزم ءِ ھم پدا گوشت کہ صوبگ ءَ ھچ وانگجاہ بند نہ مان ایت ءُ ھمک زھگ ءَ را وانگ ءُ زانگ ءِ آسراتی پجاری کنگ بنت۔ بلوچستان ءِ سر وزیر میر سرفراز بگٹی ءَ لسبیلہ ءِ ضلعی انتظامیہ ھاسیں رنگ ءَ ڈپٹی کمشنر ءَ را داخلہ مہم ءِ تہا 100درسد ٹارگٹ ءِ سرجم کنگ ءِ سرا مبارک بات دات ءُ گوشت کہ ایندگہ ضلع ہم اے سوبمندی ءِ رندگیری ءَ بہ کن انت۔