پاکستان امن ءِ واستہ یک جوانیں  توار ءِ رنگ ءَ ابھر بوتگ دانیال چوہدری

اسلام آباد۔11اپریل  (اے پی پی): پارلیمانی سیکرٹری برائے انفارمیشن ءُ براڈکاسٹنگ ءِ بیرسٹر دانیال چوہدری ءَ گوشت کہ پاکستان جھان ءِ تک ءَ امن ءُ ایمنی ءِ واستہ یک موثر ءُ فیصلہ کنوکیں توار ءِ رنگ ءَ ابھر بوتگ، ایشی ءِ کریڈٹ یکجاھیں سروکی ءُ راجی تابکاری ءَ را دیگ بیت۔ شمبے ءِ روچ ءَ وتی بیان ءِ تہ ءَ آئی ءَ گوشت کہ پاکستان ءِ ایوکی ءَ چہ یک جھان ءِ ارزشت ءِ ملک ءِ تہ ءَ درآھگ دراصل ’’شجاعت، دلیری ءُ یکوئی‘‘ ءِ عکس اِنت کہ آئی ءَ را یک ذمہ وار ءُ بااثریں دمگی پلیئر ءِ رنگ ءَ پیش کنگ ءَ اِنت۔ آئی ءَ ایشی ءِ کریڈٹ مزن وزیر محمد شہباز شریف، فیلڈ مارشل عاصم منیر ءُ نائب مزن وزیر اسحاق ڈار ءِ سروکی ءَ را دات ءُ گوشت کہ آہانی ’’اسٹریٹجک وژن ءُ یکجاھیں حکمت عملی‘‘ ءَ ملک ءَ را پیچیدہ چیلنج آنی تہ ءَ چہ در کتگ ءُ جھان ءِ تک ءَ وتی جاہ ءَ را مھکم کتگ۔ آپریشن بنیان المرسوس ءِ سوبمندیں سرجمی ءِ ھوالگ ءَ پارلیمانی سیکرٹری ءَ گوشت کہ ایشی ءَ چہ پاکستان ءِ فوجی تیاری ءُ جزم ءِ ھاسیں کلوہ دیم ءَ اتکگ، اے راج ءِ مھکمی ءُ جزم ءِ گواہی اِنت۔ آئی ءَ گوشت کہ اسلام آباد کہ گوستگیں وھد ءَ کمیں رنگ ءَ چارگ بوتگ ات، نوں سفارتکاری ءُ گپ ءُ تران ءِ مرکز جوڑ بوھگ ءَ انت کہ اودا جھان ءِ چست ءُ ایر آنی میزبانی کنگ بوھگ ءَ انت ءُ دمگی کمک ءَ را دیمروئی دیگ بوھگ ءَ انت۔ دانیال چوہدری ءَ گوشت کہ پاکستان ءِ برجاھیں کوشست آنی سبب ءَ آئی ءَ را میاں اوستمانی براتی ءِ تہ ءَ یک شرپدار ءُ نامداریں جاھ ءِ رسگ ءَ کمک کنگ بوھگ ءَ اِنت وھدیکہ سروکی ءِ دلگوشی امن، برجائی ءُ اقتصادی دیمروئی ءِ سر ءَ اِنت۔ آئی ءَ گوشت کہ مرچی ھمک پاکستانی ملک ءِ جھان ءِ تک ءَ گیش بوھوکیں پجار ءُ اثر ءِ سر ءَ پھر کت کنت۔