جناح کنونشن سینٹر ءَ درملکی اھوالکار آناں یکیں چھت ءِ چیر ءَ درستیں المی ئیں آسراتی پجاری کنگ بوتگ اَنت، وفاقی وزیر اھوالکاری عطا اللہ تارڑ

اسلام آباد۔11اپریل  (اے پی پی): وفاقی وزیر اھوالکاری ءُ نشریات عطا اللہ تارڑ ءَ گوشت کہ جناح کنونشن سینٹر ءَ یک بام ءِ چیر ءَ درملکی اھوالکار آناں درستیں المی ئیں آسراتی پجاری کنگ بوتگ اَنت۔ شمبے ءِ روچ ءَ ادا درملکی اھوالکار آناں داتگیں آسراتی آنی ھوالگ ءَ ھاسیں رنگ ءَ گپ ءُ تران کنان ءَ وفاقی وزیر ءِ اھوالکاری ءَ گوشت کہ نائب مزن وزیر اسحاق ڈار ءِ جار ءِ رد ءَ ایران ءُ امریکہ ءَ چہ اھوالکار آنی واستہ آیگ ءِ وھد ءَ ویزہ دست کپ ایت۔ آئی ءَ گوشت کہ سرجمیں دگنیا ءَ چہ اھوالکار کوریج ءِ واستہ پاکستان ءَ سر بوھگ ءَ انت، یکیں بان ءِ چیر ءَ اھوالکار آناں ھمک رنگ ءِ آسراتی پجاری کنگ ءَ انت۔ آئی ءَ گوشت کہ پنجاہ ءِ نزیک ءَ اھوالکار پاکستان ءَ سر بوتگ انت، چین، سعودی عرب، جاپان، جرمنی، کوریا ءَ ھوار جتا جتائیں ملک آنی اھوالکاراں ویزہ ءِ واستہ درخواست داتگ انت۔ وفاقی وزیر ءَ گوشت کہ وزارت ءِ اھوالکاری ءُ نشریات ءِ نیمگ ءَ جناح کنونشن سینٹر ءَ اھوالکار آناں یکیں چھت ءِ چیر ءَ دراھیں آسراتی پجاری کتگ ایشی ءِ تہ ءَ تیز رفتار انٹرنیٹ کنیکٹوٹی، پرنٹر، کمپیوٹر ھوار اَنت وھدیکہ اسکرین ھم ایر کنگ بوتگ اَنت۔ صحافتی کارانی کنگ ءِ ھاترا درکاریں درستیں آسراتی ادا دست کپ اَنت۔ آئی ءَ گوشت کہ ریڈ زون جناح کنونشن سنٹر ءِ نزیک ءَ اِنت، اھوالکار ادا ءَ چہ آسانی ءَ کوریج کت کن اَنت، اھوالکار آناں ھاسیں کارڈ داتگ ءُ کوشست کنگ بیتگ کہ آھاں سرجمیں آسراتی یک جاہ ءَ پجارینگ بہ بنت دانکہ کوریج ءِ تہ ءَ ھچ وڑیں مشکل ءِ آماچ مہ بنت۔ وفاقی وزیر ءَ گوشت کہ کوریج ءِ واستہ آیوکیں درملکی اھوالکار آناں وش اتک کنگ بیت۔