پروفیسر احسن اقبال ءِ سروکی ءَ نیشنل پرائس مانیٹرنگ  کمیٹی ءَ ٹرانسپورٹ ءِ کرایہ ءُ سپلائی چین ءِ جاور ھال ءِ سر ءَ چار ءُ تپاسی

اسلام آباد۔11اپریل  (اے پی پی): وفاقی وزیر ءِ منصوبگ بندی، دیمروئی ءُ ھاسیں گامگیج پروفیسر احسن اقبال ءِ سروکی ءَ راجی قیمتانی نگرانی کمیٹی ءَ آن لائن دیوان ءِ تہ ءَ سرجمیں ملک ءَ المی چیز آنی قیمت، ٹرانسپورٹ ءِ کرایہ ءُ سپلائی چین ءِ جاور ھال آنی سر ءَ سرجمیں رنگ ءَ چار ءُ تپاسی کتگ۔ وزارت ءِ منصوبہ بندی ءِ رد ءَ بیورو آف اسٹیٹسٹکس ءَ بریفنگ ءِ ساھت ءَ دیوان ءَ را سرپدی داتگ کہ سرکاری سبسڈی ءِ سبب ءَ ٹرانسپورٹ ءِ ھرچ ءُ درچ ءَ مزنیں کمی بوتگ وھدیکہ بازیں شہر آنی تہ ءَ کرایہ ءِ تہ ءَ 20 ءَ چہ 30 درسد کمی بوتگ۔ بلے کراچی ءَ ٹرانسپورٹ ءِ کرایہ ءِ تہ ءَ گیشی ءِ نوٹس زورگ ءَ وفاقی وزیر ءَ سندھ حکومت ءَ را ترندیں گامگیج زورگ ءِ ہدایت کتگ۔ اعداد و شمار ءِ رد ءَ گوستگیں ہفتگ ءِ تہ ءَ 8 المی ئیں چیز آنی نھاد کمی بوتگ وھدے کہ 28 چیز آنی نھاد گیش بوتگ اَنت۔ لہسن، کیلے، مُرگ ءُ آٹہ ءِ نہاد ءَ 3.78درسد، 3.39درسد، 1.05درسد ءُ 0.73درسد کمی بوتگ ءُ ڈیزل، پٹرول، ٹماٹر، ایل پی جی ءُ آلو ءِ تہ ءَ مزنیں گیشی بوتگ۔ شماریات ءِ کارگس ءِ رد ءَ سینسیٹیو پرائس انڈیکس (ایس پی آئی) سرجمی ءَ مھکم بوتگ ءُ گوستگیں ھپتگ ءَ 1.93درسد ریکارڈ بوتگ۔ گھی ءُ کھان ءِ تیل ءِ نرخ ھم یک رنگ بوتگ اَنت وھدیکہ ملک ءَ کھاد ءِ نرخ ءِ تہ ءَ جھان ءِ تک ءَ گیشی ءِ باوجود نرخ آنی سر ءَ کنٹرول بوتگ۔ دیوان ءَ لھتیں شہر آنی تہ ءَ ھاسیں رنگ ءَ کراچی ءَ ھول سیل ءُ ریٹیل ءِ نرخ آنی تہ ءَ مزنیں فرق ءِ سر ءَ ھم جیڈھ ءِ درشانی کنگ بوتگ کہ اودا ٹماٹر ءُ آلو ءِ نرخ آنی تہ ءَ بالترتیب 142 ءُ 117درسد ءِ فرق گندگ بوتگ۔ وفاقی وزیر ءَ صوبائی حکومت آناں ہدایت کت کہ آ ہول سیل ءُ خوردہ نرخ آنی نیام ءَ توازن ءَ را دل یکیمی بہ کن انت۔ منصوبہ بندی ءِ وزیر احسن اقبال ءَ سیادی داروکیں واکدار آناں ہدایت کتگ کہ آ منافع ءِ کشگ ءُ ذخیرہ کنگ ءِ ھلاپ ءَ سکیں گامگیج بہ زور اَنت، کود ءِ بے رکاوٹیں سپلائی ءَ را دل یکیمی بہ کن اَنت ءُ آیوکیں فصل آنی بوہگ ءِ رد ءَ کود ءِ دستیابی ءَ را برجم بہ دار اَنت۔ آئی ءَ نرخانی تہا اتار چڑھاؤ ءِ سر ءَ نزیکیں نگرانی کنگ ءُ نگرانی ءِ نظام ءَ را گیش موثر جوڑ کنگ ءِ سر ءَ ھم زور پر دات۔ گند ءُ نند ءِ گڈ ءَ وفاقی وزیر ءَ گوشت کہ مزن وزیر ءَ را ھاسیں ہدایت است انت کہ آ الس ءَ را ھمک رنگ ءَ ریلیف پجاری بہ کنت ءُ وردن ءُ وراک ءُ وراک ءِ چیز آنی بہا آنی تہ ءَ غیر معمولی حد ءَ گیشی ءَ را رکھینگ بہ بیت۔ آئی ءَ اے گپ ءِ سر ءَ دل یکیمی ءِ درشان کت کہ ٹرانسپورٹر زمہ واری ءِ درشان کنگ ءَ اَنت ءُ سرکاری سبسڈی ءِ میوہ الس ءَ سر بوھگ ءَ اَنت۔ آئی ءَ گیش گوشت کہ جاور ھال انگت ءَ سرجمی ءَ وتی جاہ ءَ نہ اتکگ اَنت پمیشکا نرخ آنی برجائی ءِ واستہ ھمگرنچ ءُ سنگینیں گامگیج آنی برجاہ دارگ المی اِنت۔