اسلام آباد۔11اپریل (اے پی پی): امریکی نائب صدر جے ڈی وینسی ءِ سروکی ءَ امریکی مزنیں تک ءِ ڈل شمبے ءِ روچ ءَ وفاقی دارالحکومت اسلام آباد ءَ سر بوتگ کہ اودا آ ’’اسلام آباد گپ ءُ تران‘‘ ءَ بھر زوری کنت۔ اے ڈل ءِ تہ ءَ امریکی ھاسیں نمائندہ اسٹیو وٹکوف ءُ جیرڈ کشنر ھوار اَنت۔ نائب مزن وزیر سینیٹر محمد اسحاق ڈار، چیف آف دفاعی فورسز ءُ چیف …
امریکی نائب صدر جے ڈی وینسی ءِ سروکی ءَ مزن تک ءِ ڈل گپ ءُ تران ءَ بہر زورگ ءِ ھاترا اسلام آباد ءَ سر بوتگ ، ایشی ءَ را نائب مزن وزیر / درئی کارانی وزیر ، دفاعی اُرد ءِ سروک ءُ تہی کارانی وزیر ءَ وش آتک کتگ
اسلام آباد۔11اپریل (اے پی پی): امریکی نائب صدر جے ڈی وینسی ءِ سروکی ءَ امریکی مزنیں تک ءِ ڈل شمبے ءِ روچ ءَ وفاقی دارالحکومت اسلام آباد ءَ سر بوتگ کہ اودا آ ’’اسلام آباد گپ ءُ تران‘‘ ءَ بھر زوری کنت۔ اے ڈل ءِ تہ ءَ امریکی ھاسیں نمائندہ اسٹیو وٹکوف ءُ جیرڈ کشنر ھوار اَنت۔ نائب مزن وزیر سینیٹر محمد اسحاق ڈار، چیف آف دفاعی فورسز ءُ چیف آف آرمی اسٹاف فیلڈ مارشل سید عاصم منیر ءُ وزیر توکی کار سید محسن رضا نقوی ءَ ڈل ءَ را وش اتک کت۔ دری کارانی کارگس ءِ جارچین طاہرحسین آندرابی ءِ رد ءَ امریکی ڈل اسلام آباد ءِ گپ ءُ تران ءَ بھر زورگ ءِ واستہ پاکستان ءَ سر بوتگ انت ۔ امریکی ڈل ءَ را وش اتک کنان ءَ نائب مزن وزیر محمد اسحاق ڈار ءَ دائمی دمگی ءُ جھان ءِ امن ءُ ایمنی ءِ ھاترا امریکی کوشست آناں ساڑات۔ نائب مزن وزیر ءَ اے امیت سہرا کت کہ فریق جوڑیشت ءِ رنگ ءَ گپ ءُ تران ءَ بہر زور اَنت۔ نائب مزن وزیر ءَ پاکستان ءِ واھشت ءِ سر ءَ زور پر دات کہ آ جیڈھ ءِ برجائی ءُ برجمیں گیواری ءِ نیمگ ءَ فریق آنی آسراتی ءَ را برجاہ بہ دار ایت۔
