وفاقی وزیر خزانہ ءُ آمدنی ءِ ورلڈ بینک ءُ آئی ایم ایف ءِ بہار ءِ دیواناں بہر زورگ ءِ ھاترا امریکہ ءَ روگ ءَ انت

اسلام آباد۔11اپریل  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ ورلڈ بینک گروپ ءُ آئی ایم ایف ءِ بہار ءِ دیواناں بہر زورگ ءِ ھاتر ءَ امریکہ ءَ شتگ۔ اے گند ءُ نند 13 ءَ بگر داں 18 اپریل ءَ واشنگٹن ڈی سی ءَ بنت۔وزارت ءِ ھزانگ ءِ نیمگ ءَ جاڑی بوتگیں پریس ریلیز ءِ رد ءَ ھزانگ ءِ وزیر اے گند ءُ نند آنی تہ ءَ بھر زوری ءَ چہ پیسر بوسٹن ءِ تر ءُ تاب ءَ کنت اودا آ ہارورڈ یونیورسٹی ءَ برجم داشتگیں پاکستان کانفرنس ءَ بھر زوری کنت۔ وزیر خزانہ کانفرنس ءَ بہر زوروکیں ماہرین، پالیسی ساز ءُ پاکستانی کمیونٹی ءَ گوں گند ءُ نند کنت ءُ پاکستان ءِ معیشت، اصلاحات ءِ گامگیج ءُ دیمروئی ءِ گامگیج آنی بابت ءَ گپ ءُ تران کنت۔ وتی تر ءُ تاب ءِ ساھت ءَ وزیر ھزانگ آئی ایم ایف ءُ ورلڈ بینک ءِ کلیدی دیوان آنی تہ ءَ پاکستان ءِ نمائندگی کنت ءُ جھان ءِ مالیاتی سروک، دیمروئی شریک ءُ پالیسی ساز آنی گوما مزنیں کساسے ءَ گند ءُ نند کنت۔ اے موہ ءِ سر ءَ وزیر ءِ ھزانگ ءَ میاں اوستمانی مالیاتی ادارگ آنی مزنیں سروکی ءَ گوں ھم گند ءُ نند کنت ایشی ءِ تہ ءَ ورلڈ بینک ءِ منیجنگ ڈائریکٹر (آپریشنز) انا برڈے، آئی ایف سی ءِ منیجنگ ڈائریکٹر مختار ڈیوپ ءُ میگا ءِ منیجنگ ڈائریکٹر سوتومو یاماموتو ھوار اَنت۔ وزیر خزانہ آئی ایم ایف ءِ مزنیں کارندہ، اولی ڈپٹی منیجنگ ڈائریکٹر ڈین کٹز، ڈپٹی منیجنگ ڈائریکٹر نائیجل کلارک ءُ میاں اوستمانی ءُ میاں اوستمانی ایشیا ءِ ڈائریکٹر جہاد اظہور ءَ گوں ھم گند ءُ نند کنت۔ اے گند ءُ نند آنی تہ ءَ پاکستان ءِ اقتصادی جاور ھال ، اصلاحات ءُ آیوکیں وھد ءِ کمک ءِ سر ءَ گپ ءُ تران کنگ بیت ۔ امریکہ ءِ تر ءُ تاب ءِ ساھت ءَ وزیر ءِ ھزانگ امریکی سرکاری مزنیں کارندہ آں گوں ھم گند ءُ نند کنت ایشی ءِ تہ ءَ محکمہ خارجہ ءُ خزانہ ءِ مزنیں کارندہ ھوار امریکی تجارتی نمائندہ جیمسن گریر ءَ گوں ھم گند ءُ نند کنت۔ وزیر ءِ ھزانگ ءَ جھان ءِ مالیاتی ادارگ ءُ جھان ءِ کمپنی آنی نمائندگ آنی گوما ھم گند ءُ نند کنت ایشی ءِ تہ ءَ فرینکلن ٹیمپلٹن، روتھ چائلڈ اینڈ کمپنی، سٹی بینک ءُ جے پی مورگن ءِ وڑیں میاں اوستمانی ادارگ ھوار اَنت وھدیکہ ٹیکنالوجی ءُ پالیسی ءِ شوبگ آنی نمائندگ آنی گوما ھم گند ءُ نند کنگ بیت۔ اے مشغولیت آنی ھوار ءَ وزیر ءِ ھزانگ چین، سعودی عرب، متحدہ عرب امارات، ترکی ءُ برطانیہ ءِ سروک آنی ھوار جتا جتائیں ملک آنی ھمکار ءُ مزنیں سروکی ءِ گوما دو نیمگی گند ءُ نند کنت۔ وزیر ءِ ھزانگ ءَ آئی ایف اے ڈی، گیٹس فاؤنڈیشن، ایشیائی دیمروئی بینک، جے آئی سی اے ءُ ایشیائی انفراسٹرکچر انویسٹمنٹ بینک ءَ ھوار ایندگر گلوبل ءُ ڈویلپمنٹ فنانس ادارگ آنی نمائندگ آنی گوما ھم گند ءُ نند کنت۔ تر ءُ تاب ءِ ساھت ءَ وزیر ءِ ھزانگ جی ٹوئنٹی ءِ دیوان، موسمیاتی کارروائی ءِ واستہ وزیر ھزانگ ءِ اتحاد ءَ ھوار ھاسیں گلوبل فورم آنی تہ ءَ بھر زوری کنت۔ آئی ءَ جتا جتائیں مزنیں تک ءِ گپ ءُ تران ءُ گول میز ءِ دیوان آنی تہ ءَ ھم بھر زوری کنگ بیت، ایشی ءِ تہ ءَ جھان ءِ معیشت، مالیاتی اصلاحات، موسمیاتی مالیات، ءُ دیمروئی ءِ جیڈھ آنی سر ءَ گپ ءُ تران کنگ بیت۔ وفاقی وزیر خزانہ ءِ تر ءُ تاب ءِ یک کلیدی بہرے ورلڈ بینک ءِ نیمگ ءَ برجم داشتگیں ھاسیں دیوان ءَ آئی ءِ بھر زوری انت ایشی ءِ تہ ءَ بے نظیر انکم سپورٹ پروگرام (بی آئی ایس پی) ءِ وسیلگ ءَ پاکستان ءَ ڈیجیٹل سوشل سیکورٹی سسٹم ءِ تجربگ ءُ سوبمندی پیش کنگ بنت۔ ایشی ءَ ابید وزیر ءِ ھزانگ سرمایہ کاری فورم ءُ گول میز ءِ دیوان آنی تہ ءَ بھر زوری کنت، ایشی ءِ تہ ءَ جیفریز، جے پی مورگن ءُ سٹی بینک ءِ نیمگ ءَ برجم داشتگیں سیشن ھوار اَنت، ایشی ءِ تہ ءَ آ پاکستان ءِ اقتصادی اشاریہ، اصلاحات ءُ سرمایہ کاری ءِ موہ آنی سر ءَ چمشانک دنت۔ وزیر ءِ ھزانگ روشن ڈیجیٹل اکاؤنٹس ءُ ریمیٹنس ءِ ھوالگ ءَ ھاسیں مراگش ءَ ھم بھر زوری کنت، ایشی ءِ برجم دارگ واشنگٹن ءَ پاکستانی سفارتخانہ ءَ اسٹیٹ بینک آف پاکستان ءِ کمک ءَ کنگ بیت۔ وزیر خزانہ ءُ آمدنی فچ، موڈیز ءُ ایس اینڈ پی ءِ وڑیں گلوبل کریڈٹ ریٹنگ ایجنسی آنی نمائندگ آنی گوما ھم گند ءُ نند کنت ءُ میاں اوستمانی میڈیا ءِ گوما ھم گپ ءُ تران کنت۔ وزیر خزانہ اٹلانٹک کونسل ءَ ھوار مزنیں تھنک ٹینک آں گوں تران کنت ءُ پاکستان ءِ معیشت ءُ اصلاحات ءِ ایجنڈا ءِ سر ءَ رژنائی ءِ شنگ کنت۔ ایشی ءَ ابید سرمایہ کاری ءِ دیمروئی ءِ واستہ امریکہ ءَ پاکستان بزنس کونسل ءِ باسک ءُ پاکستانی کمیونٹی ءَ گوں گند ءُ نند کنت۔ کاروباری موہ آناں دیمروئی دیگ ءُ معاشی سیادی ءَ را گیش مھکم کنگ بوت کنت۔ وتی تر ءُ تاب ءِ ساھت ءَ وزیر ءِ ھزانگ 50 ءَ چہ گیش ھاسیں گند ءُ نند، کانفرنس ءُ گپ ءُ تران آنی تہ ءَ بھر زوری کنت ایشی ءَ چہ جھان ءِ اقتصادی براتی ءِ گوما پاکستان ءِ سرگرمیں کرد ءِ پدر کنگ بیت۔ اے تر ءُ تاب پاکستان ءِ اقتصادی برجائی، اصلاحات ءُ میاں اوستمانی مالیاتی ادارگ آنی گوما شریکداری ءَ را گیش مھکم کنگ ءِ جزم ءِ درشان اِنت۔