سینیٹ ءِ چیئرمین سید یوسف رضا گیلانی ءَ شمالی عرب ءِ زر ءَ کامیابیں ریسکیو آپریشن ءِ پد ءَ پاک بحریہ ءَ را شگر ءُ منت

اسلام آباد۔11اپریل  (اے پی پی): سینیٹ ءِ چیئرمین سید یوسف رضا گیلانی ءَ شمالی عرب بحر ءَ پاک بحریہ ءِ سوبمندیں ریسکیو آپریشن ءِ سر ءَ دلجمی ءِ درشان کنان ءَ پاک بحریہ ءِ افسر ءُ مردین آناں وشیں لبز آنی تہ ءَ شگر ءُ منت گپت۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ تہ ءَ چیئرمین سینیٹ ءَ گوشت کہ پاک بحریہ ءِ وھد ءِ سر ءَ جوانیں گامگیج ءِ آسر ءَ 18درملکی مردم آنی گران بھائیں جان رکّینگ بوتگ اَنت، ایشی ءَ چہ پاکستان ءِ جوانیں ءُ زمہ واریں کرد ءِ آدینک اِنت۔ آئی ءَ گوشت کہ پاک بحریہ ءِ پیشہ وارانہ ، فرض ءِ احساس ءُ ازمت ءِ جزبگ ستا کرز انت۔ سید یوسف رضا گیلانی ءَ گوشت کہ پاک بحریہ ءِ ایمرجنسی جاور آنی تہ ءَ ترندی ءُ منظمیں گر ءُ دار آئی ءِ مزن تربیت ءُ مھکمیں پیشہ وارانہ صلاحیت آنی یک پدریں ثبوت انت۔ آئی ءَ گیش گوشت کہ سوبمندیں ریسکیو آپریشن ءَ چہ نہ ایوک ءَ پاکستان ءِ جھان ءِ امیج مھکم بوتگ بلکینگ ءَ انسانیت ءِ رکھینگ ءِ پاکستان ءِ جزم ءَ را ھم پدر کتگ۔ چیئرمین سینیٹ ءَ گوشت کہ رکّینتگیں مردم آناں ترندیں دوا ءُ درمان ءِ پجاری انسان دوستی ءُ انسانی ارزشت آنی چمکداریں مثال اِنت۔ آئی ءَ اے گپ ءِ سر ءَ زور پر دات کہ پاکستان ءِ سلاہ بندیں اُرد ھمک گرانیں ساھت ءَ انسانیت ءِ ھمراھی ءَ اوشتاتگ اَنت ءُ ملک ءُ راج ءِ شرپ ءُ شان ءِ بُرزی ءَ دیم ءَ اَنت ۔