اقوام متحدہ ءِ سروک ءَ پاکستان ءِ دلالی ءَ امریکہ ءُ ایران ءِ گپ ءُ تران ءَ را وش اتک

اقوام متحدہ۔11اپریل  (اے پی پی): اقوام متحدہ ءِ سیکرٹری جنرل انتونیو گوترز ءَ پاکستان ءِ دلالی ءَ امریکہ ءُ ایران ءِ نیام ءَ پیش کرتگیں گپ ءُ تران ءَ را وش اتک کتگ۔ شین ہوا ءِ رد ءَ اقوام متحدہ ءِ جارکش اسٹیفن ڈوجاریک ءَ گوشت کہ سیکرٹری جنرل ءَ فریق آنی سر ءَ زور پر دات کہ آ اے سفارتی موہ ءَ چہ سرجمی ءَ کارمرد بہ کن اَنت ءُ نیک نیتی ءَ گوں یک دائمی ءُ سرجمیں معاہدے ءِ نیمگ ءَ دیم ءَ بہ رو اَنت، تانکہ کش ءُ چیل کم بہ بنت ءُ جیڈھ ءِ تہ ءَ پدا واتر بوھگ ءَ چہ بچگ بہ بیت۔ ترجمان ءِ رد ءَ انتونیو گوتریس ءَ اے گپ ءِ پدا زور پر دات کہ میاں اوستمانی جیڈھ آناں گیواری ءِ یکیں قابل عملیں راہ امن ءِ وسیلگ اِنت کہ ایشی ءِ وسیلگ ءَ میاں اوستمانی کانود ءِ رد ءَ بہ بیت ایشی ءِ تہ ءَ اقوام متحدہ ءِ منشور ھم ھوار اِنت۔