اسلام آباد۔10اپریل (اے پی پی): برطانیہ ءِ مزن وزیر کیر اسٹارمر ءَ امریکہ ءُ ایران ءِ نیام ءَ جنگ بندی ءِ آسراتی ءُ گپ ءُ تران ءِ پدا بندات کنگ ءِ واستہ پاکستان ءِ موثر سفارتی کوشست آناں ساڑات۔ آئی ءَ مزن وزیر محمد شہباز شریف ءَ را اسلام آباد ءَ امن گپ ءُ تران ءِ میزبانی ءِ پد ءَ مبارکی داتگ ءُ اے عمل ءِ کامیابی ءِ واستہ …
برطانیہ ءِ مزن وزیر کیئر اسٹارمر ءَ مزن وزیر محمد شہباز شریف ءَ گوں ٹیلی فون کتگ، امریکہ ءَ ایران ءِ جنگ بندی ءِ واستہ موثر سفارتی کوشست آنی ساڑاتگ
اسلام آباد۔10اپریل (اے پی پی): برطانیہ ءِ مزن وزیر کیر اسٹارمر ءَ امریکہ ءُ ایران ءِ نیام ءَ جنگ بندی ءِ آسراتی ءُ گپ ءُ تران ءِ پدا بندات کنگ ءِ واستہ پاکستان ءِ موثر سفارتی کوشست آناں ساڑات۔ آئی ءَ مزن وزیر محمد شہباز شریف ءَ را اسلام آباد ءَ امن گپ ءُ تران ءِ میزبانی ءِ پد ءَ مبارکی داتگ ءُ اے عمل ءِ کامیابی ءِ واستہ نیکیں واھگ آنی درشان ھم کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءَ را برطانیہ ءِ مزن وزیر کیر اسٹارمر ءِ ٹیلی فون اتکگ۔ مزن وزیر اسٹارمر ءَ امریکہ ءُ ایران ءِ نیام ءَ جنگ بندی ءِ آسراتی ءُ گپ ءُ تران ءِ بندات کنگ ءِ واستہ پاکستان ءِ موثر سفارتی کوشست آناں سک باز ساڑات۔ آئی ءَ مزن وزیر محمد شہباز شریف ءَ را اسلام آباد ءَ امن گپ ءُ تران ءِ میزبانی ءِ پد ءَ مبارکی دات ءُ عمل ءِ کامیابی ءِ واستہ نیکیں واھگ آنی درشان کت۔ دمگی امن ءُ ایمنی ءِ واستہ پاکستان ءِ دلجمیں عزم ءِ پدر کنگ ءَ مزن وزیر محمد شہباز شریف ءَ مزن وزیر اسٹارمر ءَ ھوار یورپ ءُ میاں اوستمانی ھاسیں رہشون آنی نیمگ ءَ چہ پاکستان ءِ امن کوشست آنی کمک ءِ واستہ یکجائی بیان ءِ وش اتک کت۔ دوئیں بامرداں جنگ بندی ءِ برجائی ءُ دمگ ءَ دائمی امن ءُ ایمنی ءِ واستہ سازگاریں چاگرد ءِ پجارینگ ءِ سر ءَ زور پر دات۔ دوئیں رہشوناں پاکستان ءُ برطانیہ ءِ نیام ءَ دیریں دوستی ءِ سیادی ءَ را وت مہ وتی مفاد ءِ توامیں پڑ آنی تہ ءَ گیش دیمروئی دیگ ءِ واستہ یکجائی ءَ کار کنگ ءِ سر ءَ تپاک کت۔ مزن وزیر محمد شہباز شریف ءَ ھم مزن وزیر اسٹارمر ءَ را پاکستان ءِ سرکاری تر ءُ تاب ءِ واستہ دلپدردی ءِ دعوت ءِ یک رندے پدا گوشت۔
