اسلام آباد۔10اپریل (اے پی پی): راجی اسمبلی ءِ اسپیکر سردار ایاز صادق ءَ شمالی عرب بحر ءَ سوبمندیں ریسکیو آپریشن ءِ واستہ پاک بحریہ ءِ افسر ءُ مردم آناں شگر ءُ منت گپت۔ آدینگ ءِ روچ ءَ یک بیانے ءِ تہ ءَ اسپیکر راجی اسمبلی ءَ گوشت کہ انسانی جانانی رکھینگ ءِ واستہ پاک بحریہ ءِ وھد ءُ پاس ءَ جوانیں گامگیج ستا کرز انت۔ آئی ءَ گوشت کہ …
شمالی عرب بحر ءَ سوبمندیں ریسکیو آپریشن ءِ واستہ پاک بحریہ ءِ افسر ءُ مردین آناں توسیپ ءُ ستا ، راجی اسمبلی ءِ اسپیکر سردار ایاز صادق
اسلام آباد۔10اپریل (اے پی پی): راجی اسمبلی ءِ اسپیکر سردار ایاز صادق ءَ شمالی عرب بحر ءَ سوبمندیں ریسکیو آپریشن ءِ واستہ پاک بحریہ ءِ افسر ءُ مردم آناں شگر ءُ منت گپت۔ آدینگ ءِ روچ ءَ یک بیانے ءِ تہ ءَ اسپیکر راجی اسمبلی ءَ گوشت کہ انسانی جانانی رکھینگ ءِ واستہ پاک بحریہ ءِ وھد ءُ پاس ءَ جوانیں گامگیج ستا کرز انت۔ آئی ءَ گوشت کہ پاک بحریہ ءِ افسر ءُ مردیناں پیشہ وارانہ ءُ ازمت ءِ جذبہ ءِ مزنیں مثال پیش کتگ ءُ جتاجتائیں ملک آنی گوں سیادی داروکیں 18 مردم آناں جان سلامتی ءَ چہ رکینتگ، ایشی ءَ را فخر مندیں کامیابی انت۔ سردار ایاز صادق ءَ گوشت کہ مشکلیں جاور آنی تہ ءَ ترند ءُ جوانیں رنگ ءَ پسو دیگ پاک بحریہ ءِ مزنیں تربیت ءُ پیشہ وارانہ صلاحیت آنی یک پدریں درشان اِنت۔ آئی ءَ گیش گوشت کہ پاک بحریہ پڑ ءَ انسانی ھمدردی ءُ پیشہ وارانہ ذمہ واری ءِ سرجمیں کرد ءَ پیلو کنگ ءَ انت۔ راجی اسمبلی ءِ اسپیکر ءَ اے گپ ءِ سر ءَ ھم زور پر دات کہ اے سوبمندیں آپریشن ءَ چہ جھان ءِ تک ءَ انسانی جان آنی رکھینگ ءِ واستہ پاکستان ءِ جوانیں امیج ءَ را گیش مھکم کتگ۔ آئی ءَ رکّینتگیں مردم آناں وھد ءِ سر ءَ دوا ءُ درمان ءِ آسراتی پجاری ءِ ھم ساڑات۔ آئی ءَ اے جزم ءِ پدا زور پر دات کہ پاکستان ءِ سلاہ بندیں اُرد ھمک گرانیں وھد ءَ انسانی جانانی رکھینگ ءِ واستہ مدام دیم ءَ بنت۔
