آبنائے ہرمز  پچ انت، امریکا ءِ جہاز ھم گوست کناں ، ایران ءِ وزیر

تہران۔10اپریل  (اے پی پی): ایران ءِ نائب وزیر ءِ درئی کار سعید خطیب زادہ   ءَ گشتگ کہ امریکی جہاز ہم چہ آبنائے ہرمز ءَ گوست   کناں  داں کہ آ ہچ وڑیں دژمنی ءِ رھبند ءَ مہ زور انت۔ بی بی سی ءِ رد ءَ سعید خطیب  زاده ءَ ایرانی رسانکدر ءَ گوں تران کنان ءَ گْوشتگ کہ تنگہ ہرمز پچ اِنت بلے تکنیکی سببانی سبب ءَ اے المی اِنت کہ جہاز گوں ایرانی لشکر ءَ رابطہ ءَ بہ دار اَنت۔ ایران ءِ وزیر ءَ گوشت کہ ما تنگہ ہرمز ءَ وتی ایمنیں راہ آں چہ آوانی ایمنیں گوزگ ءَ را دل یکیمی کن ایں ۔ ایشی ءَ چہ پیسر امریکہ ءِ صدر ڈونلڈ ٹرمپ ءَ ایران ءِ سرا ایراد گپتگ ءُ گشتگ کہ ایران آبنائے ہرمز ءَ چہ تیل ءِ برگ ءِ معاملہ ءَ سک باز بدیں کار کنگ ءَ انت۔ آئی ءَ گوشت کہ اے ھما تپاکی نہ انت کہ مئے نیام ءَ بوتگ۔ یات بہ بیت کہ گوستگیں روچ ءَ ایران ءِ سرکاری رسانکدر ءَ شنگ بوتگیں بیانے ءِ تہ ءَ گارڈز ءَ جہاز کہ چہ آبنائے ہرمز ءَ گوزگ ءِ ارادہ کن اَنت آھاں پنت ءُ شون کتگ اَت کہ آ زرئی ایمنی ءِ رھبندانی رندگیری ءَ بہ کن اَنت ءُ چہ زرئی مایناں ایمن بوھگ ءِ ھاترا دگہ راہ ءُ دراں بہ زور اَنت۔ گارڈ انقلابی ءَ وتی بیان ءَ یک نقشہ یے ھم شنگ کتگ ءُ ھمے رنگ ءَ راہ ءُ درانی بدل کنگ ھم شنگ کتگ۔ نقشہ ءِ رد ءَ عمان ءِ زر ءَ داخل بوؤکیں جہاز لارک جزیرہ ءِ شمال ءَ روگ ءُ پدا چہ اودا خلیج فارس ءِ سفر ءَ برجاہ دارگ ءِ اہل بنت۔ جہاز کہ دومی نیمگ ءَ روگ ءَ اَنت آ چہ خلیج فارس ءَ درکپ اَنت ءُ لارک ءِ جزیرہ ءِ جنوب ءَ گوز اَنت ءُ دیم پہ عمان ءِ زر ءَ رو اَنت۔