اپریل 1973، پارلیمانی راجدپتر ءِ زرین روچ ات، راج ءَ را یک متفقہ آئین ءِ نعمت رست، نواب زادہ جمال رئیسانی

کوئٹہ۔ 10 اپریل (اے پی پی):پیپلز پارٹی ءِ باسک راجی اسمبلی نواب زادہ جمال خان رئیسانی ءَ گوشت کہ 10 اپریل 1973 پاکستان ءِ پارلیمانی راجدپتر ءِ تہ ءَ یک زرین ءُ یاتگاریں روچ اِنت کہ راج ءَ را   شہید ذوالفقار علی بھٹو    ءَ اولی کانودی دستور داتگ۔ اے انچیں مھکمیں چاگردی تپاک نامہ یے کہ آئی ءَ راجی یکوئی ءَ را دیم ءَ برتگ۔ جمعہ ءِ روچ ءَ وتی بیان ءِ تہ ءَ نواب زادہ جمال خان رئیسانی ءَ گوشت کہ آئین ءَ چہ وفاق ءَ را مھکم کتگ ءُ الس ءِ بنیاتی ھک آناں آئین ءِ رکھینگ ءِ پجاری کتگ ۔ اے آئین درحقیقت راج ءِ واھشتانی درشان ءُ جمہوری ارزشتانی رژنائیں علامت اِنت۔ آئی ءَ گوشت کہ جمہوریت ءِ شھید بے نظیر بھٹو ءَ ھوار ھزاراں کوہستہ آں آئین ءِ بحالی ءُ رکھینگ ءِ واستہ بے دروریں ءُ تاریخی قربانی داتگ۔ اے مزنیں قربانی آں جمہوریت ءِ شمع ءِ شِنگ ءُ شانگ داشتگ ءُ مرچی ھم مئے ھاترا رھشونی ءُ جزم ءُ دلیری ءِ وسیلہ اَنت۔ نواب زادہ جمال خان رئیسانی ءَ گوشت کہ منی اے گپ ءِ سر ءَ دل یکیمی ءَ گوں باور اِنت کہ آئین ءِ بالادستی، کانود ءِ حکمرانی ءُ جمہوریت ءِ برجائی پاکستان ءِ دیمروئی، برجائی ءُ وشھالی ءِ بنیات اَنت۔ آئین ءِ رکھینگ ءُ جمہوری نظام ءِ مہکم کنگ ءِ واستہ پیپلز پارٹی وتی جہد ءَ برجاہ دار ایت آئی ءَ وتی جزم ءِ پدا زور دات۔