راجی اسمبلی ءِ اسپیکر سردار ایاز صادق ءَ پنجاب ءِ پیسریگیں گورنر سردار ذوالفقار علی کھوسہ ءِ بیرانی ءِ سرا غم ءِ درشان

اسلام آباد۔10اپریل  (اے پی پی): راجی اسمبلی ءِ اسپیکر سردار ایاز صادق ءَ پنجاب ءِ پیسریگیں گورنر سردار ذوالفقار علی کھوسہ ءِ بیرانی ءِ سرا غم ءِ درشانی کتگ۔ ادا جاڑی بوتگیں بیان ءِ رد ءَ اسپیکر راجی اسمبلی ءَ سردار ذوالفقار علی کھوسہ ءِ سیاسی ءُ چاگردی ازمت آناں شگر ءُ منت گپت ءُ گوشت کہ سردار ذوالفقار علی کھوسہ یک زھیروکیں سیاست دان ءُ پکر داریں سروکے بوتگ۔ ھُدامرزی ءِ سیاسی ءُ چاگردی ھزمت مدام یات بنت۔ اسپیکر قومی اسمبلی ءَ نمیرانیں سردار ذوالفقار علی کھوسہ ءِ کھول ءِ گوما دل ءِ جہلانکی ءَ چہ دلپدردی ءِ درشانی کت ءُ گوشت کہ اے غم ءُ اندوہ ءِ ساھت ءَ آ چہ دلپدردیں کھول ءِ غم ءَ شریک انت۔ اسپیکر سردار ایاز صادق ءَ چہ اللہ تعالیٰ ءَ دزبندی کت کہ بیران بوتگیں مردم ءَ را ماپ  بہ کنت ءُ پش کپتگیں کھول ءَ را صبر ءُ اوپار بہ دنت۔