فرانس ءِ دری کارانی وزیر ءِ نائب مزن وزیر ءَ گوں ٹیلی فون ءِ سر ءَ گپ ءُ تران ءَ پاکستان ءِ پڑ ءَ امن ءُ ایمنی ءِ کوشست آنی حمایت ءِ درشان

اسلام آباد۔10اپریل  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ را فرانس ءِ درئی کارانی وزیر جین نول بیروٹ  ءَ ٹیلی فون کتگ ات، ایشی ءِ ساھت ءَ آئی ءَ دمگ ءَ دائمی امن ءُ ایمنی ءِ واستہ پاکستان ءِ برجاھیں کوشست آنی حمایت ءِ درشانی کتگ ات۔ جمعہ ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ فرانس ءِ درئی کارانی وزیر ژان نوئل بیرو ءَ بنداتی جنگ بندی ءِ معاہدے ءِ سر ءَ پاکستان ءِ کرد ءِ سر ءَ مبارک بات داتگ ءُ پاکستان ءِ پڑ ءَ برجمیں امن ءُ ایمنی ءِ واستہ سفارتی عمل ءَ را دیم ءَ برگ ءِ واستہ برجاھیں کوشست آناں حمایت ءِ درشان کتگ۔ دوئیں راہشوناں لبنان ءَ جنگ بندی ءِ سنگینیں ھلاپ ورزیانی سر ءَ دلپروشی ءِ درشانی کتگ ءُ جنگ بندی ءِ سرجمی ءَ نفاذ ءُ گر ءُ دار ءِ سر ءَ زور پر داتگ۔ دوئیں نیمگاں دو نیمگی سیادی آناں مھکم کنگ، اقتصادی ءُ تجارتی کمک ءَ را گیش کنگ ءِ ھاترا وتی عزم ءِ پدا زور دات ءُ رابطہ ءِ تہ ءَ برجم دارگ ءِ سر ءَ تپاک کت۔