گورنر ہاؤس کوئٹہ ءَ ایسٹر ءِ مراگش ءَ جعفر خان مندوخیل ءَ ہم بہر زرتگ

کوئٹہ۔ 10 اپریل (اے پی پی): ایسٹر ءِ درگت ءَ گورنر ہاؤس کوئٹہ ءَ یک مزنیں مراگشے برجم دارگ بوت ایشی ءِ تہ ءَ گورنر جعفر خان مندوخیل ءَ ھم بھر زوری کت۔ گورنر ہاؤس ءِ جارکش ءِ نیمگ ءَ جاڑی بوتگیں بیان ءِ رد ءَ عیسائی کمیونٹی ءِ گوما یکوئی ءِ رد ءَ مراگش ءِ ساھت ءَ کیک ءِ کٹگ بوتگ۔ مراگش ءَ سرجمیں صوبہ ءِ مزنیں کساسے ءَ مرد ءُ زالبولاں بہر زرتگ ات کہ ایشی ءِ تہا صوبائی آمدنی ءِ وزیر میر عاصم کرد گیلو، پیسریگیں سینیٹر سعید الحسن مندوخل ءُ عیسائی کمیونٹی ءَ چہ سیادی داروکیں میر طارق ختران ھوار اتنت۔ گورنر بلوچستان ءَ گوں ھواریں مردماں گپ ءُ تران کنان ءَ اے گپ ءِ سر ءَ زور پر دات کہ پاکستان ءِ درستیں شہری اکثریت ءِ بہ بنت یا اقلیت ملک ءُ صوبہ دوئیں ءِ دیمروئی ءُ وشھالی ءِ تہ ءَ یک پیمیں کرد ءِ واھند اَنت۔ آئی ءَ درائینتگ کہ پاکستان ءِ تہ ءَ درستیں اقلیت آناں آئین ءِ رد ءَ یک وڑیں ھک، رکھینگ ءُ مذھبی آجوئی ءِ ضمانت دیگ بوتگ۔ گورنر ءَ بلوچستان ءَ عیسائی کمیونٹی ءِ ھاسیں رنگ ءَ وانگ ءُ زانگ ءُ جان سلامتی ءِ شوبگ ءَ ارزشتی ایں ازمت آناں ساڑات ءُ بین المذاہب یکوئی ءُ وت مہ وتی شرپ ءِ دیمروئی ءِ سر ءَ زور پر دات۔ مراگش ءِ آسر ءَ پاکستان ءِ وشھالی، دیمروئی ءُ ایمنی ءِ ھاترا ھاسیں دعا کنگ بوت۔