صدر ءَ میانمار ءِ صدر من آنگ ہلینگ ءَ را وتی اگدہ ءِ سر ءَ نندگ ءِ سر ءَ مبارک بات داتگ

اسلام آباد۔10اپریل  (اے پی پی): صدر آصف علی زرداری ءَ رپبلک آف دی یونین آف میانمار  ءِ  صدر، سینئر جنرل من آنگ ہلینگ  ءَ را گچین کاری ءِ سر ءَ مبارکی دات ءُ دوئیں ملک آنی نیام ءَ دو نیمگی سیادی آنی تہ ءَ برجاھیں دیمروئی ءِ سر ءَ دل یکیمی ءِ درشان کت۔ جمعہ ءِ روچ ءَ صدارت ءِ پریس ونگ ءِ رد ءَ صدر ءَ وتی مبارکی نمدی ءِ تہ ءَ صدر من آنگ ہلائینگ ءَ را وتی اگدہ ءِ سر ءَ نندگ ءِ سر ءَ گرمیں مبارک بات داتگ۔ پاکستان ءُ میانمار ءِ نیام ءَ دوستی ءِ سیادی ءَ را پدر کنان ءَ آئی ءَ گوشت کہ دوئیں ملک یکجاھیں راجدپتری ءُ دود ءُ ربیدگی سیادی ءَ گوں بندوک اَنت۔ صدر آصف علی زرداری ءَ دل یکیمی ءِ درشانی کت کہ صدر من آنگ ہلنگ ءِ سروکی ءَ دو نیمگی کمک گیش ءَ چہ گیش گیش ءُ گیوار بیت، ایشی ءَ چہ وت مہ وتی مفاد ءِ پڑ آنی تہ ءَ پائدگ مندیں شریکداری ءِ نوکیں موہ پیداک بنت۔