اسلام آباد۔9اپریل (اے پی پی): مزن وزیر محمد شہباز شریف ءَ لبنان ءِ سر ءَ اسرائیل ءِ زوراکی ءِ سک باز مذمت کتگ ءُ ھزاراں گران بھائیں مردمانی جان ءِ بیرانی ءِ سر ءَ سک باز دلپدردی درشان کتگ وھدے کہ لبنان ءِ مزن وزیر نواف سلام ءَ پاکستان ءِ کمک لوٹ اِتگ کہ لبنان ءِ سر ءَ اُرش ءُ مردمانی سر ءَ نشانگ جوڑ کنگ بوتگیں اُرش زوت …
مزن وزیر شہباز شریف ءَ لبنان ءِ مزن وزیر نواف سلام ءَ گوں فون ءِ سر ءَ گپ ءُ تران کنان ءَ لبنان ءِ سر ءَ اسرائیل ءِ زوراکی ءِ سک باز مذمت کتگ
اسلام آباد۔9اپریل (اے پی پی): مزن وزیر محمد شہباز شریف ءَ لبنان ءِ سر ءَ اسرائیل ءِ زوراکی ءِ سک باز مذمت کتگ ءُ ھزاراں گران بھائیں مردمانی جان ءِ بیرانی ءِ سر ءَ سک باز دلپدردی درشان کتگ وھدے کہ لبنان ءِ مزن وزیر نواف سلام ءَ پاکستان ءِ کمک لوٹ اِتگ کہ لبنان ءِ سر ءَ اُرش ءُ مردمانی سر ءَ نشانگ جوڑ کنگ بوتگیں اُرش زوت بند کنگ بہ بنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ لبنان ءِ مزن وزیر نواف سلام ءَ گوں فون ءِ سر ءَ گپ ءُ تران کتگ۔ مزن وزیر ءَ لبنان ءِ سر ءَ اسرائیل ءِ برجاھیں زوراکی ءِ سک باز مذمت کتگ ءُ ھزاراں گران بہائیں جانی تاوان ءِ سر ءَ دلپدردی ءِ درشانی کتگ۔ مزن وزیر محمد شہباز شریف ءَ گوشت کہ پاکستان دمگی امن ءِ واستہ دلجمیں کوشست ءَ گوں بندوک انت ءُ ھمے جذبہ ءَ ایران ءُ امریکہ ءِ نیام ءَ امن گپ ءُ تران بوھگ ءَ انت۔ مزن وزیر شہباز شریف ءِ امن کوشست آنی سر ءَ منت وار لبنان ءِ مزن وزیر ءَ لبنان ءُ آئی ءِ اُلس ءِ سر ءَ اُرش آناں زوت ھلاس کنگ ءِ واستہ پاکستان ءِ کمک لوٹ اِتگ۔ دوئیں رہشوناں رابطہ ءِ برجاہ دارگ ءِ سرا تپاک کتگ۔
