راجی خوراک ءِ سلامتی ءُ پٹ ءُ پول ءِ وفاقی وزیر ءَ یوریا ءُ دگہ ھاسیں کد آنی سپلائی ءُ ڈیمانڈ ءِ جاور ھال ءِ چار ءُ تپاسی ءِ واستہ کود ءِ چار ءُ تپاسی کمیٹی ءِ مزن تک ءِ دیوان ءِ سروکی کتگ

اسلام آباد۔9اپریل (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ گوشت کہ حکومت ءِ نیمگ ءَ چہ مناسب نرخ آنی سر ءَ کود ءِ بے رکاوٹیں سپلائی ءَ را دل یکیمی کنگ ءِ واستہ جزم انت، اے راجی فوڈ سیکیورٹی ءِ مستریں ستون انت۔ بروقت گامگیج آنی وسیلگ ءَ ھرچ ممکنہ کمی ءِ دیم ءَ دارگ۔ آئی ءَ اے گپ فرٹیلائزر ریویو کمیٹی ءِ مزن تک ءِ دیوان ءِ سروکی ءَ کنان ءَ کت۔ کہ ایشی ءِ تہ ءَ ملک ءِ تہ ءَ یوریا ءُ ایندگر ھاسیں کود آنی طلب ءُ رسد ءِ جاور ھال آنی سر ءَ سرجمیں چار ءُ تپاسی کنگ بوتگ۔ دیوان ءَ برجاھیں ربیع ءِ موسم، خریف 2026 ءِ تیاری ءُ ربیع 27-2026 ءِ پیشگی منصوبگ بندی ءِ سر ءَ ھاسیں دلگوشی دیگ بوت۔ دیوان ءَ وفاقی ءُ صوبائی مزنیں حکام ءُ مزنیں کود کمپنی آنی نمائندگ آنی بھر زوری بوتگ۔ دیوان ءَ را گوشگ بوت کہ ربیعی موسم ءِ وھد ءَ یوریا ءِ سرجمیں جاور ھال مھکم ءُ جوانیں رنگ ءَ برجم دارگ بوتگ انت۔ افتتاحی اسٹاک ءِ کساس 1.15ملین ٹن بوتگ وھدے کہ مقامی پیداوار 3.232ملین ٹن ءِ کساس ءَ بوتگ ایشی ءِ آسر ءَ 4.38ملین ٹن ءِ کلیں دستیابی بوتگ۔ کھپت 3.563 ملین ٹن بوتگ ءُ مارکیٹ ءَ ہچ وڑیں گھبراہٹ ءِ خرید ءِ گندگ نہ بوتگ کہ ایشی ءَ چہ جوانیں سپلائی چین ءُ مارکیٹ ءِ استحکام ءِ عکاسی بوتگ۔ بندش ءِ اسٹاک ءِ اندازہ 8 ملین ٹن ءِ کساس ءَ انت کہ آؤکیں خریف ءِ موسم ءِ بنداتی اسٹاک بیت۔ ملین ٹن ءِ نزیک ءَ بفر اسٹاک برجاہ دارگ بوتگ ات، البت دسمبر ءُ جنوری ءِ وڑیں مزنیں لوٹ ءُ گزر ءِ ماہانی تہا ایشی ءِ کارمرز کنگ ءِ بابت ءَ لھتیں جیڑہ درشان کنگ بوتگ ات۔ ایشی ءَ ابید ایگریٹیک ءَ گیس ءِ سپلائی ءِ تہ ءَ جیڑھ بوتگ اَنت کہ ایشی ءَ چہ پیداوار ءَ را تاوان رستگ۔ خریف 2026 ءِ ھوالگ ءَ دیوان ءَ کھاد ءِ سرجمیں دستیابی ءِ سر ءَ چار ءُ تپاسی کنگ بوتگ ءُ موسم ءِ تہ ءَ بے رکاوٹیں سپلائی ءَ را دل یکیمی کنگ ءِ واستہ المی گامگیج آنی سر ءَ ھیال ءُ لیکہ کنگ بوتگ۔ وفاقی وزیر ءَ درستیں سیادی داروکیں ادارگ ءُ صنعت ءَ را ہدایت کت کہ آ بروقت ءُ عملی گامگیج آنی وسیلگ ءَ پیداوار ءَ را گہتر بہ کن اَنت ءُ مارکیٹ ءَ جوانیں دستیابی ءَ را دل یکیمی بہ کن اَنت۔ اے گپ ءِ سر ءَ زور پر دیگ بوت کہ کھاد ءِ کارخانہ آنی برجاھیں ءُ بے رکاوٹیں کارکردگی ھاسیں رنگ ءَ گیس ءِ برجاھیں سپلائی ءِ وسیلگ ءَ مارکیٹ ءِ استحکام ءِ برجائی ءَ مزنیں کردے پیلو کنت۔ دیوان ءَ آیوکیں ربیع 27-2026 ءِ موسم ءِ ھاتر ءَ یک تفصیلی منظر نامہ ءِ ھم تیار کنگ بوتگ۔ پیداوار ءُ سپلائی ءِ جتا جتائیں جاور ھال آنی سر ءَ چار ءُ تپاسی کنگ بوتگ ، ھاسیں رنگ ءَ کلیدی پلانٹ آنی آپریشنل جاور ھال آنی رد ءَ ۔ اے گندگ بوتگ کہ خریف ءِ وھد ءَ ھرچ وڑیں تاخیر یا بندش ءِ وھد ءَ دسمبر، جنوری ءُ فروری ءِ وھد ءَ بفر اسٹاک ءِ سر ءَ دباؤ گیش بوت کنت۔ برعکس اگاں درستیں پلانٹ بروقت ءُ سرجمیں رنگ ءَ کار بہ کن انت گڑا دستیابی ءَ مزنیں کساسے ءَ گہتری کیت۔ وفاقی وزیر ءَ کمیٹی ءَ را ہدایت کت کہ آ یک جامع ءُ حقیقت پسندانہ منصوبگ پیش بہ کنت کہ ایشی ءِ تہا درستیں پلانٹ آنی وھد ءِ سر ءَ کار کنگ ءَ را مدنظر دارگ بہ بیت۔ اے ھم ھال دیگ بوت کہ پورٹ قاسم پلانٹ ءَ چہ شش ماہ ءِ تہ ءَ 2 ءَ چہ 2.5لکھ ٹن ءِ گیشیں پیداوار بوت کنت۔ دیوان ءَ گیش سرپدی دیگ بوت کہ خریف 2026 ءِ ساھت ءَ زرعی جاور ھال آنی گہتری ءِ سبب ءَ یوریا ءِ لوٹ گیش بوت کنت، البت مغربی سیمسر ءَ مزنیں نرخ آنی تپاوت ءِ سبب ءَ سمگلنگ ءِ سر ءَ جیڈھ ءِ درشانی کنگ بوت۔ یک بوری ءِ نرخ مقامی تک ءَ 4500 کلدار ءِ نزیک ءَ اِنت وھدے کہ میاں اوستمانی تک ءَ 14ہزار کلدار ءِ نزیک ءَ اِنت۔ وفاقی وزیر ءَ ہدایت کت کہ ناجائزیں نقل و حرکت ءِ گر ءُ دار ءُ بنجاہی دستیابی ءَ را دل یکیمی کنگ ءِ واستہ سکیں نگرانی کنگ بہ بیت۔ کسان آنی سستی ھم دیوان ءِ تہ ءَ مزنیں سرھالے بوتگ۔ ھرچ ءُ درچ ءِ گیش بوھگ ءُ زور ءِ گرگ ءِ کم بوھگ ءِ سبب ءَ کشت ءُ کشاری ءِ واستہ کھاد ءِ متوازنیں رنگ ءَ کارمرد کنگ مشکل بوت کنت ھاسیں رنگ ءَ ڈی اے پی ءِ معاملہ ءَ کہ ایشی ءَ چہ زرعی پیداوار ءَ را تاوان رسیت۔ وفاقی وزیر ءَ ہدایت کت کہ کشت ءُ کشاری ءِ مفاد آنی رکھینگ ءُ کھاد ءِ متوازن کارمردی ءَ را دل یکیمی کنگ ءِ واستہ یکجاھیں گامگیج چست کنگ بہ بنت۔ گند ءُ نند ءَ یوریا ءِ نرخ ءُ مارکیٹ ءِ رجحان آنی سر ءَ ھم چار ءُ تپاسی کنگ بوت۔ جتائیں برانڈز ءِ نیام ءَ قیمت ءِ فرق ءِ سر ءَ جیڑہ ءِ درشانی کنگ بوتگ کہ ایشی ءَ چہ مارکیٹ ءَ عدم توازن پیداک بوت کنت۔ صنعت ءِ نمائندگاں درشان کت کہ قیمت مارکیٹ ءِ رد ءَ ٹھینگ بنت ءُ ویلیو ایڈڈ پروڈکٹس ءِ ھاسیں لوٹ آنی واستہ انت۔ آہاں دل یکیمی دات کہ مصنوعی کمی یا بے جاہ منافع ءِ اجازت نہ دیگ بیت ءُ سپلائی بے رکاوٹ ءَ برجاہ بیت۔ ڈی اے پی کھاد ءِ جاور ھال ءِ سر ءَ ھم گوں تفصیل ءَ چار ءُ تپاسی کنگ بوتگ۔ جہانی بے یقینی ءُ جہاز آنی دستیابی ءِ جیڈھ آنی سبب ءَ خریف 2026 ءِ واستہ درآمدات ءِ منصوبگ نیست۔ وفاقی وزیر ءَ گوشت کہ وزارت میری ٹائم امور ءَ گوں رابطہ کنگ بوتگ ایشی ءِ سر ءَ پاکستان نیشنل شپنگ کارپوریشن ءِ وسیلگ ءَ جہاز آنی دستیابی ءَ را دل یکیمی کنگ ءِ سر ءَ تپاک کنگ بوتگ۔ آئی ءَ نرخ آنی سر ءَ سکیں نگرانی ءِ سر ءَ زور پر دات ءُ ہدایت کت کہ دستیابی ءَ را دل یکیمی کنگ ءُ نرخ آنی تہ ءَ گیشی ءِ گر ءُ دار ءِ واستہ ھرچ وڑیں گامگیج چست کنگ بہ بیت۔ رانا تنویر حسین ءَ یک رندے پدا گوشت کہ حکومت کھاد ءِ بے رکاوٹیں نرخ آنی سر ءَ سپلائی ءَ را دل یکیمی کنگ ءِ واستہ جزم اِنت کہ اے راجی فوڈ سیکیورٹی ءِ مستریں ستون اِنت۔ آئی ءَ درستیں سٹیک ہولڈر آناں ہدایت کت کہ آ وت مہ وتی ہم آہنگی ءَ را مھکم بہ کن اَنت، سپلائی چین ءِ تہ ءَ شفافیت ءَ را گیش بہ کن اَنت ءُ ھرچ وڑیں ممکنہ کمی ءِ گر ءُ دار ءِ واستہ وھد ءِ سر ءَ گامگیج آناں دل یکیمی بہ کن اَنت۔