پاکستان دمگ ءَ امن ءُ ایمنی ءُ گپ ءُ تران ءِ دیمروئی ءِ واستہ وتی کوشستاں برجاہ دار ایت، مزن وزیر شہباز شریف ءَ گوں پاکستان پیپلز پارٹی ءِ چیئرمین بلاول بھٹو زرداری ءَ ٹیلی فون  ءِ وسیلگ ءَ تران

اسلام آباد۔9اپریل (اے پی پی): مزن وزیر محمد شہباز شریف ءَ گوشت کہ پاکستان پڑ ءَ امن ءُ ایمنی ءُ گپ ءُ تران ءِ دیمروئی ءِ واستہ وتی کوشستاں برجاہ دار ایت۔ آئی ءَ اے ھیالانی درشانی پاکستان پیپلز پارٹی ءِ چیئرمین بلاول بھٹو زرداری ءَ گوں گپ ءُ تران کنان ءَ کت، آئی ءَ پنچ شمبے ءِ روچ ءَ مزن وزیر محمد شہباز شریف ءَ را ٹیلی فون کت ءُ ایران ءُ امریکہ ءِ نیام ءَ کش ءُ چیل ءِ ھلاسی ءُ پاکستان ءِ امن ءِ دیمروئی ءِ تہ ءَ مزن وزیر ءِ فعال سفارتی کوشست ءُ جوانیں کرد ءِ توسیپ کت۔ ھَند ءِ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دوئیں سروک آنی نیام ءَ ملک ءِ استیں جاور ھال آنی سر ءَ سرجمی ءَ گپ ءُ تران کنگ بوت۔ پاکستان پیپلز پارٹی ءِ چیئرمین ءَ اے ھاسیں پڑ ءَ راجی یکوئی ءُ یکوئی ءِ ضلورت ءِ سر ءَ زور پر دات ءُ مزن وزیر ءُ حکومت ءِ گوما سرجمی ءَ یکوئی ءِ درشان کت۔ مزن وزیر محمد شہباز شریف ءَ بلاول بھٹو زرداری ءِ ھیال ءُ لیکہ ءُ کمک ءِ پد ءَ منت گپت ءُ وتی جزم ءِ پدا زور دات کہ پاکستان دمگ ءَ امن ءُ ایمنی ءُ گپ ءُ تران ءِ دیمروئی ءِ واستہ وتی کوشستاں برجاہ دار ایت۔ دوئیں رہشون آناں اے گپ ءِ سر ءَ تپاک کت کہ استیں جاور ھال آنی تہ ءَ دیم ءَ اتکگیں چیلنج آناں جوانیں رنگ ءَ گیواری ءِ واستہ وت مہ وتی شور ءُ سلاھ ءُ راجی ھمگرنچی المی اِنت۔