امریکہ ءِ سفیر نیٹلی بیکر ءَ وفاقی تہی کارانی وزیر محسن نقوی ءَ گوں گند ءُ نند کتگ، میاں اوستمانی جاور ءُ ایمنی ءِ جیڑہانی سرا گپ ءُ تران کتگ

اسلام آباد۔9اپریل  (اے پی پی): پاکستان ءَ امریکی سفیر نیٹلی بیکر ءَ گوں وفاقی تہی کارانی وزیر محسن نقوی ءَ ھاسیں گند ءُ نند کت، ایشی ءِ تہ ءَ میاں اوستمانی ءِ استیں جاور ھال، اسلام آباد ءَ مزن تک ءِ گپ ءُ تران ءُ ایمنی ءِ بندوبست ءِ ھوالگ ءَ سرجمیں گپ ءُ تران کنگ بوت۔ گند ءُ نند ءِ ساھت ءَ میاں اوستمانی تک ءِ کش ءُ گوری جاور ھال آنی سر ءَ گپ ءُ تران کنگ بوت، ایشی ءِ تہ ءَ دوئیں سروک آنی نیمگ ءَ انوگیں جنگ بندی ءِ عمل ءَ را وش اتک کنگ بوت۔ امریکی سفیر نیٹلی بیکر ءَ دمگ ءَ امن ءِ برجائی ءِ تہ ءَ پاکستان ءِ مھکمیں سفارتی کرد ءِ توسیپ کت ءُ دمگی استحکام ءِ واستہ کلیدی کرد لیک ات۔ تہی کارانی وزیر محسن نقوی ءَ گشتگ کہ باندا اسلام آباد ءَ بوؤکیں مزن تک ءِ گپ ءُ تران ءِ تیاری سرجم انت ۔ آئی ءَ ھاسیں رنگ ءَ اے گپ ءِ ذکر کت کہ امریکی نائب صدر جے ڈی وینسی، اسٹیوٹکوف ءُ کرشنر پاکستان ءِ ھاسیں مہمان بنت۔ درملکی ڈل آنی آیگ ءِ رد ءَ سیکورٹی ءِ ھوالگ ءَ گپ جنان ءَ محسن نقوی ءَ گوشت کہ درستیں درملکی مہمان آناں ہر رنگ ءَ فول پروف سیکورٹی پجارینگ ءِ واستہ یک سرجمیں منصوبگ ءِ جوڑ کنگ بوتگ، ایشی ءِ سر ءَ سک باز عمل کنگ بیت۔ امریکی سفیر ءَ امن ءُ ایمنی ءِ واستہ پاکستان ءِ دلجمیں کوشست آنی سر ءَ دل یکیمی ءِ درشان کت ءُ پاکستان ءِ جوڑیشتی کرد ءِ توسیپ کت۔