پاکستانی سروکی ءَ جھان ءِ تک ءَ شدیدیں کش ءُ چیلاں کم کنگ ءِ تہ ءَ مزنیں کردے پیلو کنگ ءَ چہ سرجمیں دگنیا ءَ توسیپ ءُ ستا کرتگ، شیری رحمان

اسلام آباد۔9اپریل  (اے پی پی): پاکستان پیپلز پارٹی ءِ مزنیں سروک ءُ امریکہ ءَ پاکستان ءِ پیسریگیں سفیر سینیٹر شیری رحمان ءَ پاکستان ءِ سفارتکاری ءَ را راجدپتری جھان ءِ سوبمندی لیک اتگ ءُ گوشت کہ اے سوبمندی ءَ چہ دگنیا ءَ را مزنیں بحران ءِ تہ ءَ کپگ ءَ چہ رکینتگ، دراجیں مدت ءِ استحکام ءِ واستہ مدام گپ ءُ تران ءِ ضلورت انت۔ یک انٹرویو ءِ تہ ءَ شیری رحمان ءَ گوشت کہ پاکستانی سروکی ءَ جھان ءِ تک ءَ شدیدیں کشیدگی آنی تہ ءَ کمی ءِ تہ ءَ مزنیں کردے پیلو کنگ ءَ چہ سرجمیں دگنیا ءَ چہ ستا ءُ ستا زرتگ، اے راجدپتری امریکہ ءُ ایران ءِ جنگ بندی یک کلیدی کردے ءُ اے معاہدہ ھما وھد ءَ سنگ میل اِنت کہ دگنیا آشوب ءِ کش ءَ اَت۔ شیری رحمان ءَ زور پر دات کہ گپ ءُ تران ءَ را ھچ وڑیں رکاوٹ ءِ ھست نہ بوھگ ءَ برجاہ دارگ بہ بیت، بنیاتی جیڈھ آنی سر ءَ لچک ءُ لچکاری برجاہ دارگ بہ بیت۔ آئی ءَ ھشدار داتگ کہ سوشل میڈیا ءِ سر ءَ اسپویلر یا جنگ بندی ءِ ھرچ وڑیں خلاف ورزی ءِ سبب ءَ پیشرفت ءِ سر ءَ اثر کپت کنت۔ آئی ءَ اے گپ ءِ سر ءَ زور پر دات کہ برجاھیں سفارتکاری ءُ تعمیری ھوار بوھگ ءِ سبب ءَ امن ءِ برجائی ءِ یکیں راہ اِنت۔ پاکستان ءِ جھان ءِ پجار ءَ را پدر کنان ءَ آئی ءَ گوشت کہ وھدے دگنیا ءِ مزنیں بھرے بے وسی ءِ آماچ ات گڈا پاکستان ءِ سروکی ءَ وتی شہری آناں ریلیف ءُ استحکام دات۔ اے وڑیں تاریخی ساھتاں اندری سیاست یک نیمگے ایر کنگ بہ بیت۔ آئی ءَ اے سوبمندی ءَ را دہائی آنی تہ ءَ بے دروریں سوبمندی لیک اِتگ ءُ گوشت کہ اے ھچ وڑ ءَ یک معجزہ ءَ چہ کم نہ اِنت کہ ایشی ءَ چہ پاکستان ءِ مھکم ءُ شرپداریں کرد ءِ جھان ءِ پڑ ءَ پدر اِنت۔ آئی ءَ ھاسیں رنگ ءَ صدر آصف علی زرداری، مزن وزیر شہباز شریف، نائب مزن وزیر ءُ درئی کارانی وزیر اسحاق ڈار ءُ فیلڈ مارشل سید عاصم منیر ءِ توسیپ کت ءُ آھانی برجاھیں کوشست ءُ اسٹریٹجک ھوار بوھگ ءِ ساڑات۔ آئی ءَ گوشت کہ آھانی فیصلہ کنوکیں سروکی ءَ دگنیا ءَ را بحران ءِ کش ءَ چہ دور دارگ ءَ مزنیں کرد پیلو کتگ، ایشی ءِ سبب ءَ پاکستان ءَ را جھان ءِ پجار رست۔ آئی ءَ امریکہ ءُ ایران ءَ چہ اپیل کت کہ آ اے موہ ءَ چہ کارمرد بہ کن اَنت ءُ پابندیاں، سیکورٹی گارنٹی ءُ دراجیں مدت ءِ استحکام ءِ واستہ روڈ میپ ءِ وڑیں بنیاتی جیڈھ آنی گیواری ءَ بہ کن اَنت۔ آئی ءَ گوشت کہ بنداتی جنگ بندی ءَ پد جیڈھ ءِ پدا واتر بوھگ ءِ گر ءُ دار ءِ واستہ برجاھیں گپ ءُ تران ءِ فریم ورک المی اِنت، ءُ آیوکیں گپ ءُ تران ءَ دوئیں نیمگ ءَ گیش لچک ءُ وت مہ وتی بھروسہ ءِ درشان کنگ لوٹ ایت۔